It(em) om alle twivel te vercleren(e) ende alle discort dat nae de doot der/ selv(er) machtelde(n) tussche(n) huer erfghename(n) soude moghen gherijsen soe/ heeft de selve machtelt vercleert ende ghekent ende ghelijt dat sij den/ vors(creven) lod(ewijke) ten tijden als hij in wettelijken huwelijke vergaderde met katline(n)/ van hev(er)le huer(er) docht(er) docht(er) den selve(n) lodewijke in huwelijk(er) vurw(er)den
//
toeseyde ende gheloofde vii mudden corens lijfpen(sien) ende dat de selve/ lodewijck in gratie(n) ende vrientscape(n) die ghemi(n)dert heeft tot op vi/ pet(er)s lijfpen(sien) te xviii st(uvers) tstuck Segghen(de) voort dat sij den selve(n)/ lodewijke v(er)cocht heeft een halff huys onder de borch gheleghe(n) voe(r)/ twee pet(er)s lijfpen(sien) vanden vi pet(er)s voirs(creven) alsoe dat de su(m)me van/ dier huwelijker vurw(er)den alsdoen nae daen neme(n) vande(n) huyse/ bleef op iiii pet(er)s lijfpen(sien) tsjaers de welke iiii pet(er)s als nu op/ dese tijt ombetaelt verloepen sijn vi jairen maken tsame(n) xxiiii/ pet(er)s Ende o(m)me den selve(n) lodewijke van dien xxiiii pet(er)s te v(er)nuegen(e)/ soe heeft sij hem ov(er)ghegoet de voirs(creven) goede inde pe(n)ninckstrate en(de)/ inde ravestrate ghelegen Vercleren(de) voort dat de selve lod(ewijk) voir/ huer met sine(n) ghereede(n) pe(n)ninghe(n) betaelt heeft aen woute(re)n den hont/ te bruessel x rinssche gul(den) tstuck te xx st(uvers) ende dair voe(r) heeft/ sij hem ov(er)ghegoeydt een stuck wijng(ar)ts ghelegen opden stuyp(er)s/ Tot dyer meyni(n)ghe(n) dat sij van hem onghepraemt sall sijn vande(n)/ voirs(creven) verloepen(en) vi jairen ende x rij(n)ssche gul(den) ende tsurplus dat/ die goide moghen bet(er) sijn den selve(n) lodewijke nae de doot van huer/ erflick te volghene voe(r) ende in recompensacie(n) van vele en(de) div(er)se/ bequame(n) diensten die de selve lodewijck sijn huysvrouwe en(de) huer/ kynde(re) hue(r) ghedaen hebben ende ande(re) lasten die sij om hue(re)n wille/ gheleden ende ghedaen hebben