Tvonnisse tusschen ghoorde bog(ar)t zone wijlen henricx in deen/ zijde ende peete(re)n bollens als man ende momboir katline(n) van bruessele/ in dande(re) als vander helicht van lxiii roeden wijng(ar)ts gheleghen/ inde calchove(n)strate tussche(n) de goide jans uut(er) helicht gheheete(n)/ lenaerts in deen zijde ende de strate ald(aer) in dand(er) zijde welken/ wijng(ar)t beatrijs van bruessele wed(uwe) goessens wijlen bog(ar)t v(er)cocht/ ende ghegoeyt hadde joffr(ouwe) m(ar)grieten mottijns gheheete(n) heyberchs/ wettighe huysvrouwe lod(ewijx) uut(er) helicht ende welken wijng(ar)t/ de selve katline van bruessele vernaed(er)t hadde ende nae den/ welken de voirs(creven) goort teghe(n) der voirs(creven) katline(n) van bruessele sijn/ naederscap voort gheboden hadde Es ghewijst nae aensprake v(er)antw(er)de(n)/ ende thonisse van beyden p(ar)tijen dat de voirg(enoemde) goort met sijnder/ naederscap verdoelt es cor(am) roelants tymple nethenis colonia oud(erogghe)/ april(is) ultima