SAL8137, Act: V°30.1-R°31.1 (41 of 388)
Search Act
previous | next
Act V°30.1-R°31.1  
Act
Date: 1467-08-08

Transcription

2019-06-25 by Jef Willemsens
Cont zij allen lieden dat roeloff vander elst in deen zijde ende/
joes lachma(n) in dande(r) zijde in jegewordicheide(n) d(er) scepen(en) van loven(en)/
gestaen sijn met malcande(re)n ov(er)come(n) ende eensworde(n) voir hen hue(re)n/
oire(n) erve(n) en(de) naecomelinghe(n) alse va(n) hue(re)r beider huysen ende/
goede(n) deen aen dand(er) gelege(n) inde dorpstrate tussche(n) den hoeck vand(er)/
coesstrate(n) in deen zijde ende de goede jans gielijs cled(er)mak(er)s in dand(er)/
zijde derfvurwerde(n) ende (con)dicie(n) hier nae bescreve(n) die sij deen den/
and(re)n voir hen hue(re)n erve(n) en(de) naecomelinghe(n) tot ewighe(n) daghe(n)/
geloeft hebbe(n) onve(r)brekelic tond(er)houdene en(de) te voldoene Inde(n) ierste(n)/
dat de vorsc(reven) roelof afdoen sal en(de) te nyeute doen alsulke(n) loete(n)/
goete als hij heeft doen make(n) en(de) nu leeght acht(er) op sijn huys/
int sceide(n) vanden daken hue(re)r beid(er) huysen vors(creven) d(aer) inne alle/
hemelwat(er) vande(n) huyse des vors(creven) roelofs tot h(ier) toe gevalle(n)/
heeft [en(de) sine(n) uutloep gehat heeft ov(er) de scaelgie svors(creven) roelofs t(er) coesstraten uut] en(de) de plaetse va(n) die(n) wed(er) o(m)me doen [toe]decke(n) en(de) v(er)make(n)/
toemake(n) Ende dat tselve water vandaer comen(de) va(n) nu voertae(n) hebbe(n)/
sal en(de) sculdich sijn te hebbene sinen val loep en(de) afganc op en(de) over/
tdack vande(n) huyse des vors(creven) joes doer de steyne(n) goete ald(aer)/
gelege(n) tusschen de goede des vors(creven) joes en(de) de goede des vorg(enoemde)/
jans gielijs en(de) vandaer voert ov(er) de scaelgie(n) joes en(de) roeloffs/
vors(creven) t(er) coesstraten uut Ende hier vore sal de vors(creven) joes voir/
hem sine(n) erve(n) en(de) naecomelinghe(n) hebbe(n) en(de) jarlix heffen te kersmisse/
aen en(de) op tvors(creven) huys des vors(creven) roelofs iii cap(uynen) erfchijs ingaende/
dierste betalinghe van kersmisse naestcomen(de) ov(er) een jair met (con)dicie(n)/
oft den vors(creven) joese in toecomen(de) tijden met sine(n) vors(creven) huyse hog(er)/
geliefde op te vae(re)n oft te ty(m)me(re)n dan hij nu is dat hij dat/
doen mach en(de) alsd(an) met sijnre ty(m)meri(n)ghen varen en(de) sijn behulp/
neme(n) inde leme(n)want staen(de) tusschen hue(re)r beid(er) huysen vorscr(even)/
sond(er) den huyse des vors(creven) roeloffs d(aer) mede enich hynd(er) oft letsel/
te doene Welke leme(n)want van alsd(an) voirt bij hen beide(n) te gelike(n)/
coste in goede r(e)p(ar)acie(n) gehoude(n) sal worden Behoudelic dat de selve/
leme(n)want van nu tott(er) tijt toe dat de vors(creven) ty(m)meri(n)ghe biden/

//
vors(creven) joese oft sine(n) naecomelinghe(n) gedaen sal sijn gehoude(n) sal/
worden in goeden state en(de) r(e)p(ar)acien biden ghenen van hen die alsnu/
die sculdich is i te houden En(de) den vors(creven) joese oft sine(n) naecomeli(n)ge(n)/
tvors(creven) sijn huys gehoecht en(de) opgeti(m)mert hebbende sal van dan voirtae(n)/
de vors(creven) roelof en(de) sijn huys vors(creven) vanden vors(creven) iii cap(uynen) erflic/
tot ewige(n) daghe(n) ontlast sijn en(de) blive(n) Ende oic alsd(an) die ty(m)meri(n)ge /
gedaen sijnde so sulle(n) de selve roelof en(de) joes niet wed(er)staen(de)/
sgeens des vors(creven) is tusschen hue(re)r beid(er) huysen vors(creven) ten meesten/
orber ende p(ro)fijte vanden selven en(de) t(er) mi(n)ster scaden te geliken/
coste van hen beiden doen maken ende leggen vanden eene(n) ynde/
totten and(re)n een loeten goete met eenre afdragend(er) hozen o(m)me/
dwat(er) van beiden selve(n) huysen comen(de) d(aer) inne en(de) dore te vallen/
en(de) soe voert sine(n) loep te hebbene ov(er) derve des vors(creven) roeloffs/
en(de) joes t(er) coesstrate(n) uut Welke goete en(de) hoze alsoe geleeght/
sulle(n) de vors(creven) p(ar)tijen in beide(n) zijden tot ewige(n) dage(n) in goede(n) state/
en(de) wesene houden tot hue(re)n gemeine(n) coste Ende in vesticheid(en) en(de)/
meerd(er) zekerheid(en) van al des vors(creven) is hebben de vors(creven) p(ar)tijen elc/
d(en) andre sijn goede vors(creven) bij orlove she(re)n vanden gronde in title/
van wettigen ond(er)pande tond(er)pande gesett en(de) v(er)bonde(n) cor(am)/
lyemi(n)ge(n) ouder(ogghe) augusti viii
Contributorskristiaan magnus
Moderated bykristiaan magnus
Last update: 2018-08-13 by The Administrator