Allen den ghenen die dese l(ette)ren sullen sien oft hoe(re)n lesen burg(er)meest(er)/ scepen(en) en(de) raid der stat van loven(e) saluyt met ke(n)nissen d(er) waerh(eit)/ doen te wetene dat opden dach van heden voir ons come(n) is en(de) v(er)schene(n)/ in sinen p(ro)pe(re)n p(er)soen ottart geheten de darion wonen(de) te hoeye en(de)/ heeft ald(aer) in alle d(er) bester formen en(de) manie(re)n soe dat nae recht best/ mach diene(n) en(de) stat gripen geconstitueert geco(m)mitteert geordineert/ gesedt en(de) met volcomend(er) auctoriteit gemechticht janne godfroit van/ blehain wonen(de) t(er) plaetsen geheten [a] amay bij hoeye hubrechte matelot/ va(n) ha(n)nuyt boudewijne va(n) ha(n)netz en(de) melcior asar en(de) elken van/ hen besund(er)t o(m)me alle de goede en(de) p(ro)fijten der selv(er) chijsen rinte(n) erf/ pachten en(de) sculden den vors(creven) ottarde toebehoe(re)nde onder den bailiu/ vanden walsschen braban(de) en(de) elswair al brabant dore en(de) eldere/ te wat plaetsen die gelegen oft te bevi(n)den sijn diemen hem sculdich/ is oft naemaels wesen sal Te rege(re)n te manen teisschen optebue(re)n/ en(de) tontfangen aen wat p(er)soene(n) oft goeden oft te wat steden oft/ plaetsen dat dat sijn mach d(aer) voe(r) te panden te dagene te beleidene/ en(de) rastame(n)te te doen leggen nae gewoente en(de) costume(n) vand(er) plaetsen/ d(aer) dat behoe(re)n sal oft behoeve(n) soude mogen en(de) op dats noot ge/ buerde voir alle richte(re)n geestelic en(de) weerlic met rechte te v(er)volgene/ te v(er)antwerd(en) te bescuddene in aenlegg(er)s oft v(er)weerd(er)s stat te/ bedingene die te wynne(n) en(de) te v(er)liesene thoenisse en(de) waerheid(en)/ te leid(en) en(de) vand(er) wed(er)p(ar)tijen te sien leiden jegen hue(re)n p(er)soene(n) oft hue(re)n/ getuygenissen te excipieren en(de) te oppone(re)n composicie en(de) mynlike/ yffeni(n)ge d(aer) af te maken den sculde(re)n vandes sij ontfange(n) sulle(n) quijt/ te scelden en(de) quitan(cie) te geve(n) en(de) voirtaen generalic en(de) specialic alle/ tgene d(aer) inne te doene en(de) te vorde(re)n dat de selve ottart selve/ soude moge(n) doen waert dat hij p(re)sent en(de) voe(r) ogen wae(re) Geloven(de)/ de selve ottart bij sijnre trouwen in stat va(n) eede en(de) op tverboir/ va(n) alle(n) sine(n) goed(en) beruerlic en(de) omberuerlic tegewordich en(de) toecomen(de)/ tot ewige(n) dage(n) goet vast gestentich va(n) weerde(n) en(de) omv(er)brekelic
//
te houden en(de) te hebben alle tgene des biden vors(creven) p(ro)cur(eur)s en(de) elken oft enige(n)/besund(er) [van hen] h(ier) inne gedaen en(de) gevord(er)t sal wesen alle argelist h(ier)/ inne uutgesceid(en) Behoud(elic) den vors(creven) ottarde sijnre erflich(eit) due(re)nde/ dese p(ro)cu(ra)cie totte(n) wed(er)roepe(n) des vors(creven) ottarts cor(am) hoeve(n) burg(imagistr)[o]/ tymple col(onia) scab(inis) maii pe(nulti)[ma]