Het sij comen in rechte voir meye(r) ende scepen(e) van loven(e) inde/ banck ald(aer) jan vanden berghe inden name van hem ende inde(n) name/ van marien van troembeke sijnre wettig(er) huysvrouwe(n) docht(er) barbele(n)/ wijlen van troembeke ende als mechtich jacops ende katline(n) meest(er)kens/ kynde(re) lodewijcx wijlen meest(er)kens ende m(ar)grieten wijlen van troembeke/ sijnre huysvrouwen in deen zijde ende her adriaen van beringhen/ prieste(r) ende oic henrick witteman na(tur)lick met katlinen ennekens sijnen/ wive dairtoe bijden selve(n) h(ere)n adriane v(er)mechticht t(er) ande(re) Alse van/ eenen huyse ende hove met sine(n) toebehoirten dat wijlen was jans wijlen/ baers ende barbelen vander lynden sijns wijfs gheleghen inde bakeleynst[ra]te/ tusschen de goede oft den beempt raes van brussele in deen zijde ende h(er)/ arnt kijnen prieste(r) in dande() acht(er)weert comen(de) metten voirs(creven) hove/ tot aen de vesten van loven(e) Welke goede de voirs(creven) jan vanden berghe/ inden name als vore aensprack ende met sine(n) ghelev(er)den voirsprake dede/ segghen dat barbele wijlen vand(er) lynden na(tur)lijke docht(er) h(ere)n arnts wijlen/ vander lynden priest(er)s int voirs(creven) huys ghegoet was in hue(re)n weduwenstoele/ nae de doot van janne baers hue(re)n man Segghen(de) voorts dat wae(re)n/ drie ghesuste(re)n deene gheheeten lijsbeth dande(r) barbele en(de) de derde m(ar)g(rie)[te]/ alle wettighe dochte(re)n jans wijlen van troembeke ende dat de voirs(creven) lijsbeth/ eene vanden drie zuste(re)n was moeder der voirs(creven) wijlen barbelen vand(er) lynden/ die inde voirs(creven) goede ghegoedt was ende dat de selve barbele de docht(er)/ ghetrouwt hadde eene(n) gheheeten jan baers dair af sij twee wettighe/ kynde(re)n hadde deen gheheeten peet(er) ende dande(r) katline ende dat jan baers/ de vader aflivich werdt voe(r) barbelen sine(n) wive en(de) sijn kynde(re) voirs(creven) Seggen(de)/ voort dat de voirs(creven) peet(er) de zone ghetrouwt hadde eene gheheete(n) katline/ ennekens die nu wijff es henricx wittemans natuerlex en(de) dat de selve/ peet(er) baers en(de) katline sijn zust(er) beyde aflivich zjn wordde(n) voe(r) barbelen/ huer(e) moeder te weten(e) katlinen zonder ghebuerte ende de voirs(creven) peet(er) es/ aflivich wordden acht(er) hem bevrucht laten(de) katline(n) ennekens sij(n)re huysvrouwe(n)/ voirscr(even) ende dat de selve katline ennekens nae de doot van pete(re)n baers hue(re)n/ man t(er) werelt brachte ende baerde eene(n) wettighen zone die peet(er) gheheete(n)/ werdt ende dat de selve peet(er) de jonghe alsoe nae ghebore(n) ghestorven es
//
sonder wettighe ghebuerte acht(er) hem te laten(e) onder sijn jaire(n) ende/ onghehouwt Ende alsoe es de voirs(creven) barbele uut den voirs(creven) goede(n) gestorve(n)/ als uut hue(re)n p(ro)pren erve ende uut doode der selver barbelen oudermoeder/ des voirs(creven) peet(er)s den jonghen comen ende v(er)schenen opden selven pete(re)n/ als recht erfman Seggen(de) voort dat de vors(creven) m(ar)griete van troembeke/ eene vanden drie [ge]suste(re)n voirs(creven) ghetrouwt hadde nae staet der heilig(er)/ kercken lodewijlen meest(er)kens ende dat de vors(creven) jacop ende katline meest(er)kens/ die den selven janne vanden berghe in dese zake vermechticht hebben/ wettighe kinde(re) sijn desselfs wijlen lodewijcx meest(er)kens ende m(ar)grieten/ van troembeke Ende alsoe es waer dat de voirs(creven) wijlen barbele ende/ m(ar)griete van troembeke twee ghesuste(re)n vanden drie ghesuste(re)n voirs(creven)/ wae(re)n moeyen der voirs(creven) wijlen barbelen vander lynden van wettighe(n) bedde/ ende alsoe sijn de voirs(creven) marie van troembeke wettighe huysvrouwe jans/ vanden berghe voirs(creven) ende de voirs(creven) jacop meest(er)kens ende katline meest(er)kens/ sijn zuster die naeste leven(de) des voirs(creven) wijlen peet(er)s baers des jonghe(n) van/ weghen der voirs(creven) barbelen sijnre oud(er)moeder dair af de selve goede comen/ sijn daer questie af es bieden(de) de voirs(creven) pointen te thoene(n) meynen(de) d(aer)/ o(m)me wair sij dat ghethoene(n) come(n) dat hen schuldich sijn de voirs(creven) goede/ te volghen(e) Dair op de voirs(creven) h(er) adriaen ende henrick witteman/ inden name als vore deden segghen dat al eest alsoe alse de voirscr(even)/ jan vanden berghe voir hem nempt dat de voirs(creven) barbele wijlen vander/ lynden in hue(re)n weduwen stoele ghegoet was soe en was sij nochtan d(aer)/ inne niet ghegoet puer ende simpelick als in huer p(ro)per erve alsoe/ als jan vore hem nempt mair was dair inne ghegoeydt met/ sulker condicien dat die goede nae de doot van huere op huer kynde(re)/ gheheel blive(n) moesten evenv(er)re sij egheen ande(re) wettighe ghebuerte/ en creghe soe sij oic niet ghedaen en heeft ende huere ghebuerte huer/ ov(er)leefde ghelijck de voirs(creven) peet(er) baers de jonghe huers soens zone/ ghedaen heeft Ende alsoe sijn mits dien dat de selve barbele alsoe/ aflivich wordden es ende acht(er) huer t(er) werelt come(n) es huers soens/ wettighe ghebuerte die goede opder selver ghebuerten ghecome(n) ende/ gheerft als opden yersten rechten erfman der selv(er) goeden Ende mits/ dien dat dat de selve peet(er) baers de jonghe recht erfman va(n) desen
//
goeden zonder wettighe ghebuerte uut desen goeden als uut/ sijnen p(ro)pren goeden ghestorven es soe sijn die goede comen(de) van sijnd(er)/ zijden ende niet vand(er) barbelen voirscr(even) ende uut doode van hem/ v(er)schene(n) opde naeste leven(de) van zijder sijden ende niet opde voirs(creven)/ van troembeke oft hue(re)n kynd(re)n Ghemerckt oic mede al eest soe dat/ jan vanden berghe seegt sijn maeghscap sijnde van wettighe(n) bedde/ dat mach sijn tusschen sijn huysvrouwe en(de) huer(e) zuste(re)n maer die/ maeghscap en mach niet aencleve(n) der voirs(creven) barbelen vand(er) lynden/ e(m)mer van wettighen bedde want sij na(tur)lijke docht(er) was h(ere)n arnts wijlen/ vander lynden priest(er)s ende lijsbetten wijlen van troembeke een vanden/ drie [ge]suste(re)n voirs(creven) mair nae de doot van barbelen want sij wettighe/ kynde(re) hadde soe es die lijnage van huer ende hue(re)n kynde(re)n tot opden/ voirs(creven) pete(re)n den jonghen altijt van wettighen bedde Segghen(de) voort/ dat de voirs(creven) jan wijlen baers oudervader van peete(re)n den jonghen vors(creven)/ hadde eene wettighe zuster gheheeten m(ar)griete en(de) dat die m(ar)griete/ acht(er)ghelaten heeft een dochter gheheeten m(ar)griete voets ende dat die/ selve m(ar)griete voets alsoe es die naeste erfghename van pete(re)n wijlen/ baers den jonghen voirs(creven) Segghen(de) voorts dat de selve m(ar)griete voets/ met arnde van bijlant hue(re)n wettighen man voir scepen(en) van loven(e)/ ghegoeydt ende gheerft heeft den voirs(creven) henrick wittemans en(de) katline(n)/ e(n)nekens sine(n) wijve int jair xiiii[c]lxv ende dat de selve henrick/ en(de) katline e(n)nekens sijn wijff alsoe trecht vanden naesten erfghename(n)/ des voirs(creven) pet(er)s baers des jonghen voirs(creven) hebben(de) de voirs(creven) goede soe bij/ hen selven soe bij hue(re)n naecomelinghen die sij die voort ov(er)ghegoeydt/ hebben ghepossesseert hebben ende ghebruyct als huer p(ro)per erfgoede/ Bieden(de) dese pointen te thonen(e) ende metten mynsten (et)c(etera) hopen(de) d(aer) o(m)me/ inde voirs(creven) goede te bliven(e) ende der aenspraken van huer(e) wed(er)p(ar)tije(n)/ onghehouden te zijne Soe dat ten uut(er)sten beyde p(ar)tijen tot hoe(re)n/ thonisse ghewesen en(de) in beyden zijden ghehoirt sijnde vo(n)nislijken/ghewijst es dat de voirs(creven) jan vanden berghe inden name als vore/ aen dese goede verdoolt es alsoe verre alst noch voir de he(re)n scepen(en)/ come(n) es cor(am) g(odefrido) roelofs roelofs meld(er)t berthem vos most dec(embris) xxiiii