Cont zij allen lieden dat jan boene [de jonghe] sone jans boene in teghewordigheide(n)/ der scepen(en) van loven(e) gestaen heeft genome(n) en(de) bekint dat hij genome(n) heeft/ van roelove roeloffs wonen(de) te loven(e) dwynhoff desselfs roeloffs gehete(n) thoff/ van tuydekom met den lande(n) dair toebehoiren(de) de welke lande ghedeylt sijn/ in drie aerde gelijc hier nae v(er)cleert wordt Inden ye[r]sten aert es een block/ gehete(n) tsitte block houden(de) tsame(n) x dachmael It(em) noch een bloc houden(de)/ vijf dachmaele gelege(n) voir de poirte It(em) noch op dynde vande(n) blocke een/ half dach(mael) naest den goede(n) aerts van pede noch d(aer) bij een half dach(mael) naest/ den goede(n) d(er) joffr(ouwe) blancka(er)ts It(em) noch d(aer) bij een dach(mael) naest den goede(n) arnts/ van pede [vors(creven)] Item noch dair neve(n) vijf dach(mael) naest der thiende lande van/ camerijcke It(em) noch d(aer) bij vi(½) dach(mael) naest d(er) thiende lande voirs(creven) It(em) noch/ op tselve velt d(aer) bij iii dach(mael) naest den goede(n) lodewijc roelofs It(em) noch/ opt selve velt vijf dach(mael) naest de(n) goede(n) arnts van pede [vorg(enoemt)] It(em) ov(er) die beke/ ii(½) dach(mael) naest de(n) goede(n) arnts van pede [vorg(enoemt)] It(em) noch op tselve velt (½) dach(mael)/ naest de(n) goede(n) willems switte(n) It(em) opde(n) moele(n) berch een dach(mael) naest/ der wijntmole(n) It(em) noch dair bij vijf vierdel naest pet(er) vranx in beyde(n)
//
zijde(n) It(em) noch dair bij vijf vierdel naest den goede(n) raes de rijke It(em)/ noch aende(n) art gelege(n) een vierdel naest den goede(n) henrick marie(n) It(em)/ noch aende(n) selve(n) art een vierdel naest den goede(n) jan boxhoren/ It(em) noch op tselve velt in midden een boend(er) naest de(n) goede(n) lodewijcx/ roeloffs It(em) noch op tselve velt (½) dach(mael) naest de(n) goede(n) pet(er) vranx/ It(em) noch opde(n) coutere iii(½) dach(mael) lants naest de(n) goede(n) lodewijc roeloffs vors(creven)/ It(em) op dwonvelt voir thoff ii(½) dach(mael) naest jans switte(n) lande It(em)/ opde(n) berch bove(n) daelssche delle (½) boend(er) naest arts de [va(n)] pede It(em) d(aer)/ bij noch gelege(n) (½) dach(mael) naest jan den colne(re) va(n) herent It(em) noch op/ dwincsel broeck velt i(½) dach(mael) aen den voet pat die gheet van here(n)t/ te velthem weert It(em) noch op tselve velt in midde(n) een dach(mael) naest/ de(n) goede(n) roeloff roeloffs [ vors(creven)] It(em) noch dair bij d(air) op tselve velt i(½) dach(mael)/ naest den goede(n) h(er) coenraets vand(er) meere(n) rydd(er)s It(em) inden/ tweeste(n) aert [sijn] iii boend(er) lants opde(n) daelhemmerbeempt It(em) op op tsuetvelt/ ii boend(er) naest den goede(n) claes zeeghers It(em) op tcleyn broeck velt/ acht(er) ar[n]ts van pede hoff (½) boend(er) It(em) op tgroot broeck velt xi dach(mael)/ naest de(n) goede(n) arnts van pede in drie zijde(n) It(em) op tselve velt i(½) dach(mael)/ naest d(en) kercke(n) lant va(n) here(n)t It(em) opde heye een boend(er) lants naest/ den goede(n) wout(er)s vand(en) tymple It(em) bove(n) de moele(n) opde(n) berch i(½) dach(mael)/ naest de(n) goede(n) jans boxhore(n) It(em) noch d(air) bij i(½) dach(mael) naest den goede(n)/ lod(ewijx) roeloffs It(em) noch dair bij een vierdel naest lod(ewijc) roeloffs voirs(creven)/ It(em) noch bove(n) den reywech vii vierdel naest de(n) goede(n) goessens/ vand(er) calstere(n) It(em) noch dair de(n) reywech doer gheet (½) dach(mael) naest/ h(er) coenraets goede vand(er) meere(n) rydd(er)s It(em) noch benede(n) den reywech/ v vierdel naest de(n) goede(n) lod(ewijx) roeloffs It(em) noch aende(n) aert vand(er)/ tomstraete(n) (½) boend(er) bij de goede roeloff roeloffs It(em) noch opde(n)/ dale(m)merbeempt (½) dach(mael) naest de(n) goede(n) des goids huys vand(en)/ xi[m] meeghde(n) te loven(e) opde half strate It(em) It(em) inde(n) derden art/ sijn xi dach(mael) gelege(n) voe(r) breetzijp It(em) It(em) noch op dourot een boend(er)/ naest de(n) goede(n) raes de rijke It(em) noch op tselve velt i(½) dach(mael) naest den goede(n)/ den goids huyse vande(n) xi[m] meeghde(n) voirs(creven) It(em) noch op tselve velt II boend(er) en(de)/(½) dach(mael) naest de(n) goede(n) jans van breetzijp It(em) noch ag acht(er) de hoeve te/ winxele i dach(mael) naest de(n) goede(n) symoens ute(n) lym(in)ghe(n) It(em) opde(n) berch aende(n)/ hasele(r) i(½) dach(mael) tussche(n) twee groen swaerde(n) It(em) opde(n) coute(r) aende(n) reywech/ i dach(mael) naest de(n) goede(n) lod(ewijx) roeloffs It(em) opde tomstrate (½) boend(er) naest henr(icke)/ de rijke It(em) opde to(m)strate voirs(creven) iiid boend(er) (½) dach(mael) comen(de) aende tomstrate op/ en(de) neer It(em) noch opde to(m)strate (½) dach(mael) naest de(n) goede(n) joffr(ouwe) blanckaerts
//
It(em) noch op tcleyn velt een vierdel naest de(n) goede(n) pet(er) carbeel It(em) noch/ op tselve velt een dach(mael) naest de(n) goede(n) henr(ix) vand(er) leeps It(em) noch op tselve/ velt (½) dach(mael) naest symoens uute(n) lymi(n)ghe(n) It(em) opt bylock iii dach(mael) naest/ den goede(n) jans de custe(re) en(de) jan de ruyte(re) In helicht wy(n)ni(n)ghe(n) Te houden(e)/ en(de) te hebben(e) en(de) te wynnen(e) van half m(er)te dat was int jair van lxvi eene(n)/ t(er)mijn van tweelf jaire(n) lancg due(re)nde deen nae dand(er) sond(er) middel volgen(de)/ elcx jairs tvoirs(creven) hoff en(de) lande o(m)me en(de) voe(r) die helicht van alle(n) den vruchte(n)/ jairlix opde selve goede wassen(de) en(de) voirt oic de weyde vande(n) selve(n) henr(icke)/ uutghesceide(n) de weyde(n) vande(n) bossche(n) elcx jairs dae(re)n by(n)ne(n) o(m)me en(de) voe(r)/ xxxii rinssche gul(den) goede en(de) ghinge te weten(e) xx stuv(er)s d(er) mu(n)te(n) ons gened(ichs)/ she(re)n shertoge(n) goet en(de) ghinge voer elke(n) d(er) selve(n) rinssche gulden(en) gerekent/ alle jaire tsinte m(er)tensmisse inde(n) wynt(er) te betalen(e) den voirs(creven) roelove den voirs(creven)/ t(er)mijn due(re)nde en(de) telke(n) t(er)mijne als v(er)volghde schout Ende es vorw(er)de/ dat de voirs(creven) wyn des voirs(creven) roeloffs helicht vande(n) voirs(creven) vruchte(n) af doen sal/ en(de) inde banck levere(n) en(de) des selfs roeloffs helicht ov(er) ande(re)n hoep yerst/ inne vue(re)n sal sond(er) cost des voirs(creven) roeloffs en(de) de voirs(creven) wyn sal den knape/ des voirs(creven) roeloffs aldar comen(de) om tcore(n) te deylen(e) op twelc den mont cost/ geve(n) It(em) de voirs(creven) wyn sal de de[r]sschers vueden die des voirs(creven) roeloffs/ gedeelte derssche(n) sulle(n) en(de) dair voe(r) sal hij hebbe(n) caf en(de) crinssen oft voe(r)/ de crinssen elcx daeghs voe(r) twee desschers een molevat rox dwelc den/ voirs(creven) roelove best gelieft en(de) de selve roeloff sal die dachhue(re)n betalen/ It(em) de voirs(creven) wynn sal tsaiyt op sijne(n) cost t(er) eerde(n) levere(n) ende des voirs(creven)/ roeloffs helicht van sijne(n) greyne en(de) oefte jairlix te loven leve(re)n Item/ sal de voirs(creven) roeloff behoude(n) int voirs(creven) hoff de poirte en(de) tsteyne(n) huys/ met sijne(n) toebehoirte(n) en(de) den coren suld(er) die hij aldair heeft doen make(n)/ tsijne(n) p(ro)fijte en(de) gherieve En(de) noch thoefke(n) dair den wijng(ar)t op stont/ sond(er) den wyn dair inne gericht te sijne dwelc hoefke(n) de voirs(creven) wyn/ wynnen werve(n) en(de) besayen sal gelijc den ande(re)n goede(n) voirs(creven) mer roeloff/ sal dmest dair toe leve(re)n en(de) de vruchte(n) d(air) op wassen(de) sal de wyn afdoen/ en(de) die den voirs(creven) roelove oic te loven leve(re)n ten coste desselfs wyn en(de) hier/ voe(r) sal de voirs(creven) wyn hebbe(n) tot sijne(n) v(er)doene den bog(ar)t gelege(n) achter/ den ove(r)boer die den selve(n) wy(n)ne oic alleene tot sijne(n) v(er)doene volge(n) sal/ It(em) sal de voirs(creven) wyn hebbe(n) alle v(er)droechde willighe(n) behoudelijke(n) dat hij/ voe(r) elke v(er)droeghde willighe wed(er) o(m)me sette(n) sal twee levende poiten/ vande(n) selve(n) arde en(de) die v(er)ware(n) en(de) wassen(de) houden It(em) tot dien sal/ de selve wyn op tselve goet jairlix plante(n) daer dbest dient vijftich poete(n)/ half willige(n) [en(de)] half alboeme(n) en(de) die v(er)ware(n) en(de) wassen(de) houden Item/ de voirs(creven) wyn sal moghe(n) truncke(n) hegge(n) en(de) haghe(n) en(de) trunceyke(n)
//
ten behoirlijke(n) tijde tot sijnre berringe(n) behoef dair hem roeloff dat/ bewijse(n) sal ter minster scade(n) It(em) inden willige(n) en sal de voirs(creven) wyn/ egheen recht hebben dan te truncke(n) totte(n) setten(e) vande(n) poirte(n) en(de)/ bevrede(n) vande(n) goede(n) It(em) sal de voirs(creven) wyn den voirs(creven) t(er)mijn due(re)nde/ tgheheel st[r]oe vande(n) goede(n) jairlix comen(de) int selve hoff slijten en(de)/ te meste maken en(de) dat opde lande vue(re)n sond(er) te v(er)copen(e) It(em) sal/ de voirs(creven) wyn den voirs(creven) roeloeve leve(re)n jarlix c bussele(n) walms/ int hoff te v(er)decken(e) ten coste en(de) laste des voirs(creven) wynne(n) It(em) sal de voirs(creven)/ wyn de huysinge vande(n) voirs(creven) hove houde(n) vand(er) ond(er)sten rijkele(n) ned(er)w(er)t/ op sijne(n) cost Item alle alsulke(n) scade(n) die aende huysinge(n) gesciede(n) bij/ des voirs(creven) [wynne(n)] ocsuyne oft bij sijne(n) beeste(n) sal de selve voirs(creven) wyn op richte(n) It(em) sal/ de voirs(creven) wyn jairlix den voirs(creven) t(er)mijn due(re)nde coepe(n) xxiiii bot voed(er) mest/ dair af de voirs(creven) roeloff betale(n) [sal] de tweedeele en(de) de voirs(creven) wyn dand(er)/ derdendeel en(de) de selve wyn sal dat hale(n) en(de) vue(re)n opde voirs(creven) lande/ alsoe wale opde verste als opde naeste Item salle(n) de voirs(creven) roeloff en(de)/ wyn jairlix coepe(n) l mande(n)le(n) stroes en(de) op sijne(n) cost hale(n) en(de) met sijne(n)/ beeste(n) ette(n) en(de) slijte(n) by(n)ne(n) den voirs(creven) hove en(de) dair af mest maken en(de) dat/ oic vue(re)n opde voirs(creven) lande ten meeste(n) p(ro)fijte d(er) selv(er) gelijc voirs(creven) steet/ Item oftmen int voirs(creven) hoff van nyevs dect op plecht dair af sal de voirs(creven)/ roeloff den last drage(n) behoudelijke(n) dat de voirs(creven) wyn die gereesscap/ hale(n) sal dairt behoefft Item sal de voirs(creven) wyn de voirs(creven) lande wy(n)nen/ werve(n) meste(n) en(de) besaye(n) wel en(de) loffelijke(n) met getijdege(n) vore(n) gelijc/ regenoete(n) en(de) besaydt late(n) en(de) bedreve(n) gelijc hij die bevant sond(er)/ hoervruchte(n) ten wae(re) bij roeloffs consente Item es voirt vurw(er)de alse van dien/ xiiii(½) dach(mael) lants die jan va(n) bullestrate(n) brake hadde late(n) ligge(n) en(de) die/ de voirs(creven) ja(n) boene op gewo(n)ne(n) hadde sal tot sijnen affscheide(n) moge(n) late(n)/ ligge(n) brake It(em) sal de voirs(creven) wyn jairlix den voirs(creven) roelove geve(n) en(de) leve(re)n/ te loven(e) iiii mandele(n) stroes en(de) sal oic de selve wyn den voirs(creven) roelove/ jairlix doen tot lovene iiii carweyde(n) oft voe(r) elke carweyde doen twee vaerde/ soe verre als van here(n)t tot oft winxele tot loven(e) en(de) dan sal roeloff voirs(creven)/ de p(er)soene(n) en(de) p(er)de vuede(n) It(em) de voirs(creven) wyn en sal egheen lande vanden/ vors(creven) goede(n) voirt moghe(n) uutgeve(n) noch and(er) liede goede mogen wynnen/ sond(er) roeloffs c(on)sente It(em) sal de voirs(creven) wyn int voirs(creven) hoff tot sijne(n) afsceiden(en)/ mote(n) late(n) alsoe vele mest als hij aldair tsijne(n) inne comen(e) bevonde(n) heeft/ en(de) hij sal oic tsijne(n) afsceiden(en) de voirs(creven) goede bevreet en(de) begrecht laten/ alsoe hij die oic bevonde(n) [heeft] tot sijne(n) aencomen(en) Item sal de voirs(creven) wyn jairlix/ die beke(n) grechte(n) wat(er)leyde(n) en(de) de strate(n) wveghe(n) en(de) make(n) aen die goede/ voirs(creven) liggen(de) alsoe in tijts dat de voirs(creven) roeloff dair bij egheen scade en lijd(e)/ It(em) sal de voirs(creven) roeloff jairlix coepe(n) xxxiiii wagen(en) marghels de welke/ de wyn hale(n) sal en(de) de goede d(aer) mede margele(n) ten meeste(n) profijte
//
It(em) es vorwerde oft de voirs(creven) wyn tot eniger tijt in gebreke wae(re) by(n)ne(n)/ den voirs(creven) t(er)mijne van voldoene va(n) enige(n) vande(n) pointe(n) ind(er) voirs(creven)/ pechtinge(n) begrepe(n) dat de voirs(creven) roeloff die sal moge(n) doen doen ten coste/ des wynne(n) voirs(creven) Ende alle dese vurw(er)de(n) c(on)dicie(n) en(de) gelufte(n) voirs(creven)/ heeft [de] voirs(creven) wyn den voirs(creven) roelove gelooft goet vast gestentich onv(er)brekelijc/ en(de) van w(er)den te houden(e) en(de) te voldoene talle(n) tijde(n) en(de) t(er)mijne(n) als/ die valle(n) en(de) v(er)schijne(n) sulle(n) en(de) telke(n) t(er)mijne als v(er)volghde schout/ Hier af sijn borghe(n) des voirs(creven) wynne(n) als pri(n)cipael sculde(re)n ongesund(er)t/ en(de) o(n)v(er)sceide(n) en(de) elc voe(r) al jan boene vader des voirs(creven) jans en(de)/ merck van doe[r]ne welke borghe(n) voirs(creven) de selve wyn gelooft [heeft] hier/ af scadeloes te houden(e) en(de) costeloes tontheffen(e) cor(am) vos most julii xix