It(em) nae dien dat peter egnoy als geleit totte(n) goede(n) geraert wijle(n) van/ halleert des jonge(n) voe(r) zeke(re) scepen(en) brieve(n) gepasseert voe(r) den jae(re) van lx/ hadde bescreve(n) mette(n) v(er)sueckbrieve vander stad van loven(e) de weduwe/ des voirs(creven) wijle(n) geraerts en(de) hue(r) kinde(re) die hem ongebruyck deden aen/ huys en(de) hoff [mette(n) have(n) dair inne(n) sijnde] ende ande(r) erfelijckhede(n) chijs en(de) rente(n) alsoe v(er)re die ligge(n) ond(er)/ der officie(n) der bailiuscap van ha(n)nuyt die houden(de) en(de) possesser(en)de sond(er) den voirs(creven) pete(re)n van sijnen dueghdelijke(n) gebreke te v(er)nuegen(e) en(de) de selve/ v(er)sueck brieve bij de(n) bailiu van ha(n)nuyt t(er) executie(n) gestelt wae(re)n en(de) d(er) voirs(creven)/ weduwe en(de) hue(re)n kinde(re)n dach van rechte op hede(n) beteekent was gelijc/ die rescriptie vande(n) bailiu dat uut wijsde en(de) begreep tot welke(n) dage
//
van rechte de voirs(creven) weduwe nocht hue(r) kinde(re) noch bij [hen] selve(n) noch/ bij negheene(n) p(ro)cur(eur) gheco(m)pareert en sijn soe [es] t(er) manissen smeyers/ gewijst voe(r) vo(n)nisse datme(n) den voirs(creven) pete(re)n vande(n) voirs(creven) goede(n) houde(n)/ sal in sijne(n) beleide alsoe v(er)re dat noch voe(r) scepen(en) come(n) es cor(am) roeloffs/ roeloffs meld(er)t berthem vos most julii xxiii