SAL8138, Act: V°32.4-R°33.1 (49 of 416)
Search Act
previous | next
Act V°32.4-R°33.1  
Act
Date: 1468-08-06

Transcription

2020-04-24 by Christine van Thillo
It(em) ter meerder vestich(eit) den voirs(creven) ghehuyssche(n) en(de) hue(re)n kinde(re)n van des voirs(creven)/
es te doene soe sijn bij handen andries van roesmeer vorst(er)s te loven(e) vande(n)/
voirs(creven) woute(re)n den voirs(creven) janne van oppendorp tot behoef als voe(r) in handen/
ghesedt ende v(er)obligeert voir tvoldoen der vors(creven) lijfrente(n) de juweelen h(ier)/
nae besc(re)ve(n) Inden yersten xi vergulden(en) scalen met gulden amerusen inde/
middelt wegen(de) eene(n)vijftich marct It(em) eene(n) zilve(re)n tresynap wegen(de) sesse/
m(ar)ct tot dyen eynde ghebuerdet den vors(creven) ghehuyssche(n) ende hue(re)n kinde(re)n/

//
inder betalinghe(n) der voirs(creven) lijfrente(n) oft bewijsenisse(n) der selv(er) e(n)nich/
ghebreck te hebben(e) Soe sulle(n) sij aut alt(eri) oft yemant and(er)s recht inde/
selve lijfpen(sie) van hue(re)n wegen hebben(de) sijn ghebreck aen de voirs(creven) juweele(n)/
sal moghe(n) v(er)halen ende die ten prijse van juweliers oft goutsmede(n) he(n)/
des v(er)staen(e) met rechte v(er)coepe(n) zond(er) den selve(n) woute(re)n dair af vorde(r)/
te derve(n) verantw(er)de(n) Ende oft dair ov(er) tghebreck yet ov(er)schiet dat soude/
hij den selve(n) woute(re)n wederke(re)n Ende oft d(aer) yet ghebrect dat soude hij/
mette(n) vors(creven) scepen(en) brieve(n) moghe(n) verhalen Behoud(elic) dat hij sal moge(n)/
p(ro)cede(re)n met e(n)nige(n) van beyde(n) dwelck hem best ghelieve(n) sal Ende oft/
de voirs(creven) ghehuyssche(n) he(n) en(de) huer kinde(re) oft yemant and(er)s recht d(aer) inne/
hebben(de) and(er)s dan met v(er)coepen(e) der vors(creven) juweele(n) vernueght wordde(n) soe/
sal de vors(creven) jan van oppendorp ghehoude(n) sijn den vors(creven) woute(re)n ov(er)tegeven(e)/
ghelijck hij die ontfanghe(n) heeft cor(am) eisd(em)
Contributorskristiaan magnus
Moderated bykristiaan magnus
Last update: 2018-08-13 by The Administrator