It(em) al heeft de vors(creven) joes inde(n) name van hem selve(n) en(de) va(n) weghen d(er)/ vors(creven) sijnre moed(er) de vors(creven) gelufte en(de) vesticheid(en) vande(n) vors(creven) ja(n)ne/ ylkarts aengenome(n) soe heeft hij nochta(n) dat gedaen met sulk(er)/(con)dicien en(de) vurw(er)d(en) dat hem noch sijnre moed(er) negeen hind(er) noch p(re)judijs/ doen en sal sij en sulle(n) op dat hen gelieft mette(n) beleide vand(er) vroente(n)/ jans ylkarts vors(creven) dwelc joes gedae(n) heeft mogen voert vare(n) op/ wille(m)me cobbelgiers geheten vanden cloeste(re) als borghe vand(er) vroente(n)/ jans ylkarts vors(creven) om betaelt te worden vand(er) schult vors(creven) oft vande(n)/ reste desmen he(m) alsda(n) noch tacht(er) en(de) in gebreke sijn sal cor(am) eisd(em)