Nae dien dat willem corekens als gheleyt totten goeden haven ende/ erve jans van boedenvlas voir de tenue(r) van scepen(en) brieve(n) van/ iii rijders lijft(ocht) de ii rijd(er)s dair af ten live des voirs(creven) willems en(de)/ wijlen lijsbetten sijnre huysvrouwe(n) ende des lanxte leven(de) van hen beyde(n)/ ende den ande(re)n rijder ten live lijsbette(n) wed(uwe) willems wijlen genenwout/ ende h(er) peet(er)s sone willems corekens voirs(creven) [va(n) welke(n) selve(n) rijd(er) de voirs(creven) wille(m) de brieve te(n) selve(n) rechte ov(er)heeft] hadde doen besc(re)ven den vors(creven)/ janne van boedenvlas die hem onghebruyck dede aen de goede h(ier) ond(er)/ besc(re)ven Inden yersten aen vi dach(mael) ond(er) boschs ende weyen gelegen/ inde p(ro)chie van libbeke t(er) plaetssen gheheeten de driessche reghenote/ denijs van ouderghem in deen zijde ende de plaetsse gheheete(n) de/ dyept in dand(er) zijde It(em) noch vi dach(mael) lants ghelege(n) opt selve/ velt gheheete(n) de dyept tussche(n) janne van ee(re)mboudeghem gheheete(n)/ van rode in deen zijde ende de goede jans van boedenvlas in dand(er)/ zijde It(em) iiii dach(mael) bog(ar)ts ghelegen voe(r) tgheleghe jans van boede(n)vlas/ tussche(n) de goede willems corekens in deen zijde ende de strate ald(aer) me(n)/ gheet van he(re)ndale te libbeke weerdt aen dand(er) It(em) iii dach(mael) lants/ in eene(n) stucke gheheeten dblock opde stockstrate tussche(n) de goede/ arnts moens de jonghe in deen zijde ende de goede jans gheerlex/ in dand(er) It(em) noch i dach(mael) lants ghelegen op bollenberghe block/ tussche(n) de goede willems corekens in deen zijde en(de) henricx va(n) bolle(n)b(er)ge/ in dand(er) zijde It(em) eene(n) ters wishouts gelege(n) te libbeke in eene(n) bog(ar)t/ ald(aer) den voirs(creven) janne van boede(n)vlas toebehoren(de) It(em) iii p(er)den ii calve(re)n/ ii verken(en) deen met vi cudden(en) ende iiii bedde(n) sond(er) den selve(n)/ willem(me) coerekens van sine(n) dueghdelijken ghebreken voirs(creven) te v(er)nuegen(e)/ ende de meye(r) van libbeke mids v(er)sueckbrieve(n) vand(er) stad van loven(e)/ dexecucie ghedaen heeft ov(er) den voirs(creven) janne ende hem dach va(n) rechte/ bescheyden voir meye(r) ende scepen(en) van loven(e) teene(n) ghenoemde(n) daghe/ ghelijck die rescreptie vanden meye(r) van libbeke dat uutwijsde ende/ beg(ri)p tot welken daghe nocht oic op heden als opden naeste(n) dach/ van rechte ende met rechte v(er)streken de voirs(creven) jan nocht oic nyema(n)t/ van sine(n) weghe(n) come(n) en es soe es t(er) manissen smeyers ghewijst/ datme(n) den voirs(creven) willem(me) vanden voirs(creven) goeden tot sijner schout behoef/ houden sal in sine(n) beleyde alsoe v(er)re dat noch voir hen come(n) es cor(am)/ oppend(orp) pynnock abs(oloens) vos wynghe lynden julii xxi