It(em) van alsulken gheschille als opv(er)staen ende v(er)resen es tusschen willem(me)/ die beye(re) arnde hoevaerts ende janne cloet als momboe(re)n lijsbette(n) kathline(n)/ ende yveten gheheete(n) tielens huer huysvrouwen in deen zijde ende goessene/ vanden veere als momboe(re)n machtelden vanden hove sijnre huysvrouwen in/ dande(re) zijde alse van allen den goeden have ende erve ghebleve(n) nae de doot/ henricx wijlen die gouwe(re) in welke goede eenyegelijck vanden voirs(creven) p(ar)tijen/ meynde ghericht te zijne Sijn de voirs(creven) p(ar)tijen op heden come(n) voir scep(enen)/ van loven(e) ende hebben hen dair af ende in des dair aen cleeft ges(u)bmitteert/ ende verbonden in segge(re)n ende vrientlick yffene(re)n Te weten(e) de voirscr(even)/ willem arnt ende jan in hughen van udekem lieuten(ant) smeyers van/ loven(e) ende in lodewijke baerts ende de voirs(creven) goessen in goessene/ tybe burg(er)meest(er) van loven(e) ende in meest(er) janne lobbe in alsulker/ vueghen ende manie(re)n dat de voirs(creven) segghe(re)n van elker p(ar)tijen/ bescheyde metten thonisse aenghehoert gheinformeert sijnde huer/ eendrechtighe uutsprake dair af doen ende p(ro)nu(n)cie(re)n zullen tusschen/ dit ende loven(e) kermisse naestcomen(de) p(ro)mitten(tes) rat(um) cor(am) vos wynghe/ augusti p(ri)ma