It(em) berthelmeeus sruysschen sone wijle(n) ja(n)nes heeft geloeft ja(n)ne scrijnke(n)/ vissche(r) iiii peet(er)s elke(n) peet(er) voir xviii stuv(er)s gereke(n)t op sint bauens/ dach naestcom(ende) te betale(n) t(am)q(uam) ass(ecutu)[m] En(de) is te wete(n) dat de vors(creven) iiii peet(er)s/ rue(re)nde come(n) van roucoepe va(n) eene(n) last harinx dat de vors(creven) berthel(meeus)/ h(ier) voermaels v(er)cocht heeft de(n) vors(creven) ja(n)ne scrijnke(n) voir xlvii peet(er)s/ te xviii stuv(er)s stuc gelijc scep(enen) brieve va(n) lov(ene) d(aer) op gemaect dat/ inhoude(n) en(de) beg(ri)pe(n) En(de) so is tussce(n) de vors(creven) p(ar)tije(n) clarlic vurw(er)de en(de)/ ond(er)sproke(n) oft de vors(creven) iiii peet(er)s te(n) vors(creven) dage niet betaelt en w(er)de(n)/ dat da(n) de vors(creven) scrijnke(n) koese heeft de vors(creven) iiii peet(er)s taenv(er)den/ oft op sijn comescap vande(n) haringe te blive(n) staen(e) in sulk(er) vuegen/ gelijc die tussce(n) hen beide(n) gesciet is t(er) goed(er) meyni(n)ge(n) en(de) sond(er) argelist/ cor(am) tybe burg(imagistr)[o] julii xvi