Allen den ghene(n) (et)c(ecera) doen te wete(n) dat opde(n) dach va(n) hede(n)/ voir ons come(n) is in p(ro)pe(re)n p(er)soene machiel carbeel sone jacops wile(n)/ carbeel wonen(de) bi(n)nen d(er) stad van ghint En(de) heeft in alle d(er) bester/ vorme(n) en(de) manie(re)n soe dat nae recht best mach diene(n) en(de) behoe(re)n/ volc(omelijc) gemechticht gesedt geordin(er)t en(de) ge(con)stitueert en(de) met dese(n)/ brie(ven) v(er)mechticht gesedt geordin(er)t en(de) ge(con)stitueert sond(er) wed(er)roepe(n)/ wille(m)me vande(n) necke ingesete(n) poirt(er) van loven(e) om va(n) sinen/ weghe(n) en(de) inde(n) name va(n) hem tacht(er)volgene te gec(ri)gene ende/ tontfane aen jacoppe libbe barbier va(n) ghint alle alsulke(n)/ sculden als de selve jacop den vors(creven) mychiele sculdich [is] met/ gad(ers) alle(n) ande(re)n sculden en(de) gebreke(n) die de vors(creven) mychiel aende(n)/ vors(creven) jacoppe uutstaen(de) heeft [alsoe waer de ghene] die hij voe(r) den selve(n) jacoppe/ als borghe aende kinde(re) libs en(de) katline(n) sneericx betaelt heeft/[als ande(re)] en(de) quitan(cien) va(n) sine(n) ontfange te geve(n) en(de) die schult ofts noot/ wae(r) oft hem behoefde met rechte talle(n) plaetsen en(de) alle richte(re)n/ d(aer) dat gebue(re)n oft behoe(re)n sal moge(n) te v(er)volgene en(de) te bedingene/ En(de) alle pointe(n) en(de) ar(ticu)[le(n)] va(n) rechte die d(aer) toe nae recht oft/ costume(n) vande(n) plaetse(n) diene(n) te houde(n) en(de) te v(er)wae(re)n en(de)/ totte(n) ynde uut vande(n) rechte te v(er)volgene met von(n)isse te/ winne(n) en(de) te v(er)liese(n) uutset composicie en(de) mynlic yffeni(n)ge d(aer)/ af te make(n) En(de) alle tgene d(aer) inne te doene en(de) te vorde(re)n/ inde(n) rechte en(de) and(er)ssins gelijc de vors(creven) machiel selve doen soude/ oft mochte waert dat hij voe(r) ogen wae(r) p(ro)mitt(ens) rat(um) cor(am)/ tybe burg(imagistr)[o] vos winghe scab(inis) junii xvii