It(em) de vors(creven) augustijn va(n) dormale joha(n)ne vande(n) wolputte sijn huysvr(ouwe)/ wed(uwe) jans wilen va(n)tsestich geheten tielmans golijn va(n)testich/ huer sone te voe(re)n uut d(er) vors(creven) sijnre moed(er) broode gedaen sijnde/ bij (con)sente des vors(creven) augustijns peet(er) va(n) dormale en(de) g(er)truyt va(n)/ tsestich sijn wijff te wete(n) de vors(creven) golijn bij (con)sente des burg(er)meest(er)s/ va(n) loven(e) inde stad va(n) sine(n) vad(er) want hj h(ier) te lande egeen/ in deen zijde wille(m) coerekens en(de) lijsbeth sijn sust(er) in dand(er) zijde/ hebbe(n) malcande(re)n geloeft en(de) toegeseet voir hen hue(re)n erve(n) ende/ nacomelinge(n) alse va(n) alsulke(n) eene(n) rijd(er) erflic als de cele/ brante(n) opde(n) dach vande(n) jaergetijde wout(er)s wile(n) vande(n) wolputte/ en(de) wijle(n) clere(n) sijns wijfs heffen(de) sijn opde vors(creven) twee huse/ te wete(n) opde(n) wolsac als nu toebehoe(re)nde wout(ere)n heile(n) en(de) marie(n)/ sine(n) wijve en(de) opdand(er) huys d(aer) naest gelege(n) toebehoe(re)nde wille(m)me/ en(de) lijsbette(n) vors(creven) dat sij te weeten de vors(creven) wille(m) en(de) lijsbeth/ voir deen helicht en(de) de vors(creven) austijn joha(n)ne sijn wijff golijn/ va(n) tsestich peet(er) va(n) dormale en(de) g(er)truyt sijn wijff voir dand(er)/ helicht te gelike(n) laste gelde(n) en(de) drage(n) sulle(n) en(de) de vors(creven) ii huse/ die d(aer) mede v(er)pant sijn ontlaste(n) aengesien oic mede datme(n) de/ vors(creven) goede opde(n) selve(n) rijd(er) als d(aer) uutgaen(de) niet gewara(n)deert en/ heeft cor(am) eisd(em)