It(em) t(er) meerder vestich(eit) den voirs(creven) ghehuysschen ende berbe(re)n te doene/ soe sijn bij handen m(er)cx crauwels vorst(er)s te loven(e) vand(en) voirs(creven) henricke/ den voirs(creven) denijse tot behoef als voe(r) in handen ghesedt en(de) v(er)obligeert/ voir tvoldoen der selv(er) rente(n) Te weten(e) eene zilve(re) schale wegen(de) een/ m(er)ck ende vi inghelsche Te dyen eynde ghebuerdet den voirs(creven) denijse/ sijnre huysvrouwe(n) oft der voirs(creven) barbe(re)n in toecomen(de) tijde(n) inde voirs(creven) lijft(ocht)/ oft ind(er) bewijsenissen der selv(er) e(n)nich ghebreck te hebben(e) dat sij oft yemant/ ande(r)en recht d(aer) inne hebben(de) hen gebreck sulle(n) moge(n) v(er)halen aen de vors(creven)/ zilve(re) schale ende die met rechte v(er)cope(n) ten prijse van juweliers/ oft goutsmede(n) hen des verstaen(de) En(de) schiet d(aer) yet ov(er) dat selme(n) de(n)/ voirs(creven) henr(ic) wed(er)keere(n) ende oft dair yet ghebrake dat sulle(n) sij mette(n)/ voirs(creven) scep(enen) brieve(n) moge(n) v(er)hale(n) En(de) oft de(n) vors(creven) p(er)soene(n) and(er)s dan met/ v(er)coepen(e) der scalen voirs(creven) soe sal de vors(creven) denijs gehoude(n) sijn den vors(creven)/ henrick die wed(er) te leveren(e) gelijck hij die ontfanghen heeft cor(am) eisd(em)