Allen den ghenen (et)c(etera) burg(er)meest(er)s scepen(en) en(de) raid der stad van loven(e)/ saluyt met kenissen der wairheit doen te weten(e) dat opden dach van heden/ voir ons come(n) es in p(ro)pren p(er)soene willem schelkens onse ingeseten(e) ende/ heeft met sijne(n) vryen eygen(en) wille gheconstitueert ghesedt ende volcome(n)/ macht en(de) auctoriteyt ghegeve(n) janne die leeu wonen(de) te quaderebbe o(m)me/ alle ende yeghewelke sijn goede chijsen rinten erfpachten lijfrenten jairgulden/ en(de) schulden den voirs(creven) willem(me) schelkens toebehoren(de) terpse te nederhockezeele/ en(de) elswair soe wair die bynne(n) den lande van brabant ghelegen sijn ende/ men hem schuldich es oft naemaels wesen sal te manen teyschen op te/ bue(re)n ende tontfanghen aen wat p(er)soene(n) oft goiden oft te [wat] plaetssen oft/ steden dattet sij Dair voir te panden(e) te dagen(e) te beleyden(e) en(de) rastame(n)te(n)/ te doen leggen(en) nae ghewoente en(de) costume vanden plaetssen dair dat behoe(re)n/ sal oft behoeve(n) soude moghen ende op dats noot gebuerde voir alle richte(re)n/ gheestelick oft weerlick met rechte te v(er)volgen(e) te v(er)antw(or)den en(de) te bescudden/ en(de) te bedingen die te wynne(n) en(de) te verliesen composicie en(de) mynlijke yffeni(n)ge/ d(air) af te maken(e) den schulde(re)n van des hij ontfanghen sal quijt te scelden(e)/ en(de) quitan(cie) te gheven(e) ende voertaen g(e)n(er)alick ende sp(eci)alick allet ghene d(air)/ inne te doene en(de) te vorderen(e) dat de voirs(creven) willem selve soude moghen/ doen indien dat hij ald(air) p(rese)nt en(de) voir oeghen wae(re) P(ro)mittens rat(um) due(re)nde/ cor(am) roelofs burg(imagistr)[o] blanck(ar)t jud(oco) abs(oloens) scab(inis) oct(obris) xix