Allen den ghenen die dese l(ette)ren sullen soen oft/ horen lesen burgermeeste(re)n scepen(en) en(de) raide der/ stat van loven(e) saluyt en(de) alle vrientscap Doen/ cont en(de) te weten dat opden dach datu(m) va(n)/ desen voir ons comen en(de) gestaen is in prop(re)/ p(er)sone meester triestiaen togghe meester/ in arten sone wilen paschagie togghe/ renu(n)cians p(ri)vilegiis quoad hec en(de) heeft/ geconstitueert gesedt volcomen macht procuracie/ en(de) auctoriteit ghegheven janne bondolf en(de)/ mondoffele bondolf zijnen sone boudewijne seul/ jart francken claussone anthonise reynart/ en(de) petren wynnock oft den eenen van hem/ bringer van desen alle en(de) yegewelcke sijn/ saken questien en(de) gescillen die de vors(creven) meester/ triestiaen nu uutstaen(de) heeft oft namaels uutstaen(de)/ hebben sal moghen tegen wat p(er)sonen dat dat/ sij uit gheestelic en(de) weerlic gerichten inden lande/ van vlaende(re)n en(de) besunder te dunkercke te berghe/ sinte wynnocx te dixmuye en(de) elswair dair/ des behoeven en(de) van noode sal wesen alle/ sijn jairgulde opcominghen vervallen chijsen renten/ en(de) sculden te verwaren te bescudden te wynnen/ te verliesen te manen tesschen op te boren en(de)/ tontfanghen dair voer te panden te daghen/ rastementen te doen legghen die met rechte/ texequeren Ghetuygen te leiden der wederp(ar)tien/ getuygen te sien zweren die te batte(re)n en(de) te/ wederlegghe also dicwille en(de) menichwerven/ als des behoeven sal Te replice(re)n te duplice(re)n also/ wale int principael als int accessoir alsoe dicke/ wille als van node sal wesen den sculders/ te quite(re)n en(de) volcomen quitancie te gheven/
//
En(de) vortaen generalic en(de) specialijc alle tghene/ in des vors(creven) is te doen en(de) te vorde(re)n des/ de vors(creven) meester triestiaen selve in p(er)sone soude/ mogen doen telker tijt oft hij tegenwordich/ en(de) voir oghen wae(r) Ghevende den/ selven procur(eur)s en(de) elcken van hen besunder/ volcomen macht procuracie en(de) auctoriteit eene(n)/ oft meer procur(eur)s te substitue(re)n en(de) te stellen om/ des vors(creven) is ghelic hen te vervolghen en(de) al te/ doen en(de) te vorde(re)n des sij selve souden moghen/ doen Gheloven(de) de vors(creven) meester triestiaen/ voir ons in goeden truwen opde verbintenesse/ van allen zijnen goeden beruerlic en(de) omberuerlic/ tegenwordich en(de) toecomen(de) goest goet vast/ gestentich en(de) van weerden te houden(e) alle ghene/ des bijden vors(creven) procur(eur) oft substitute oft den eenen/ van hen in des voirs(creven) is gedaen en(de) gevordert/ sal worden in e(n)nigher manie(re)n Behoudelic/ dat de vors(creven) procur(eur) en(de) substitute en(de) elc van/ hen besunder gehouden sullen altoes ter manessen/ des vors(creven) meest(er) triestiaen van hue(re)n voirs(creven) bewinde/ goede rekeninghe bewijs en(de) betalinghe te doen/ cor(am) tybe blanc hoeven ly(eming)en scab(inis) no(vembris) xxvi