SAL8142, Act: R°65.1 (109 of 811)
Search Act
previous | next
Act R°65.1  
Act
Date: 1473-09-16

Transcription

2019-11-25 by Véronique Bavin
It(em) h(er) jan de hollandre prieste(r) in p(rese)ncien d(er) scepen(en) va(n)/
loven(e) gestae(n) heeft gekint en(de) gelijt tot behoef berthel(meeus)/
va(n) maelcote en(de) katline(n) va(n) duysborch sijns wijfs ende/
hue(re)n naecomelinghe(n) en(de) oic ov(er)gegeve(n) en(de) ge(con)senteert/
alse va(n) alsulke(n) xvi rins gulden(en) te wete(n) lijftochte(n) die de/
selve h(er) jan met scepen(en) brieve(n) van loven(e) ond(er) meer ande(re)/
goede tot sinen live heeft en(de) houden(de) is opde vruwe ca(m)me/
gehete(n) hollant met hue(re)n toebehoerte(n) den vors(creven) berthelmeeuse/
en(de) katline(n) sine(n) wijve toebehoren(de) geleg(en) inde bieststrate/
opde(n) hoec vande(n) corte(n)bruele Al eest soe dat desselfs he(re)/
jans scepen(en) brieve(n) inhoude(n) rins gulden(en) in goude dat de/
selve berthelmeeus en(de) sijn wijf en(de) hue(re) naecomelinge(n) die(n)/
nochta(n) niet wed(er)staen(de) soe wa(n)neer die gevalle(n) en(de) v(er)schene(n)/
sijn gestae(n) sulle(n) jairlix voir elke(n) rins gul(den) te betale(n) te/
wete(n) voir x rins gul(den) en(de) voir twee derde(n)deele d va(n) eene(n)/
rins gul(den) d(air) af voir elke(n) va(n) dien xx stuv(er)s en(de) voir/
elke(n) vande(n) and(ere)n v rins gul(den) en(de) t(er)del va(n) eene(n) rins guld(en)/
xxii stuv(er)s en(de) niet meer den vors(creven) berthel(meeus) kat(li)[ne(n)] sine(n) wijve/
huer erfgename(n) en(de) goede voirs(creven) va(n) tgene des gulde(n) rinsch/
gulden(en) beet(er) mogen sijn oft in hog(er) valuacie(n) da(n) voirs(creven) is nu/
gedrage(n) oft soude(n) moge(n) gedrage(n) volcomelic quijtscelden(de) cor(am) eisd(em)
ContributorsWalter De Smet
Moderated byWalter De Smet
Last update: 2019-05-08 by kristiaan magnus