It(em) nae dien dat lodewijck uuter helicht den welcken met/ rechte gheleidt sijn ende in handen ghesedt thof ende de goede/ gheheeten van bloemendale gheldolve vanden veene toebehoren(de)/ te weten(e) de gheheel woni(n)ghe metten huysen hoven bog(ar)den landen/ eeussellen beempden met allen ande(re)n hue(re)n toebehoirten ghelegen inde/ p(ro)chie van halen ghelijkerwijs jacop wijlen vander moncken de vors(creven)/ goede te voe(re)n aldair te houden plach voir ghebreck van betalinge(n)/ van eene(n) pont oud(en) grote(n) tournoyse xv oude schilde van tselve pont/ en(de) lxxxv pl(a)c(ken) en(de) tderdel van eend(er) pl(a)c(ken) [pay(ments)] brab(ants) voir elken ouden schilt/ gherekent erf(liker) rinten alle jaire te kersmisse te betalen(e) ende de vors(creven)/ gheldolf als possesseur vanden selve(n) goeden comen voir scepen(en) van/ loven(en) ende heeft ghelooft op eene(n) banduyen van x rijde(r)s ad op[(us)]/ d(omi)ni duc(is) den voirs(creven) lodewijcke uut(er) helicht dat hij acht(er)volgen(de) der/ selv(en) leveringhe(n) alle de bladinghe vanden selve(n) goeden afdoen sal/ en(de) die met goeder rekeni(n)ghen ende met goeden inventarijse bynne(n)/ den selve(n) hove inne doen sal ende den selve(n) inventar(ijs) met ede/ v(er)ifice(re)n ende hem copie tsijne(r) versuecke van dien ov(er)gheve(n) op dat de/ voirs(creven) lodewijck dat beg(er)t Ende voort de selve goede niet te mynde(re)n/ nocht hem dier tonderwynden in gheenre manie(re)n hij en sal den selve(n)/ lodewijcke vanden voirs(creven) l(i)b(ra) grote met coste ende co(m)me(r) d(air) op gegae(n)/ met rechte v(er)nueght ende betaelt hebben Ende oft den selve(n) lod(ewijck)/ ghelieft soe sal de vors(creven) gheldolff de voirs(creven) goede moten stellen ter/ vercoepinghen ende tghelt van dien comen(de) den selve(n) lodewijcke laten/ trecken tot sulke(n) su(m)men toe dat hij volcomelyck (ver)nueght en(de) betaelt / sal zijn van sijne(n) ghebreke voirs(creven) cor(am) blanck(ar)t lynden julii iii