Allen den ghenen die dese l(ette)ren sullen sien oft hoe(re)n lesen burg(er)meest(er)/ scepen(en) en(de) raid d(er) stat van loven(e) saluyt met ke(n)nissen d(er) waerh(eit) doen te/ wetene dat opden dach van heden voir ons come(n) sijn die eerwerdigen/ vad(er) in gode h(er) vrancke calaber abt des goidshuys va(n) vileer en(de)/ tcove(n)t des selfs goidshuys d(er) ordine(n) van chistiaus en(de) hebben ge/ constitueert en(de) geordin(er)t ja(n)ne crabbe sone goirds crabbe te wesen/ huer meye(r) van hue(re)n goeden en(de) heerlich(eit) die sij liggen(de) hebben te vier/ beke te ned(er)velpe topvelpe te willebringe(n) te cu(m)ptich te roesbeke/ te cortbeke ov(er)loe en(de) te lovenjoel en(de) d(air) omtre(n)t En(de) hebben voirt/ in alle der bester vorme(n) en(de) manie(re)n soe dat nae recht best mach diene(n)/ en(de) behoe(re)n volcomelic mechtich gemaect gesedt en(de) volcome(n) macht en(de)/ auctoriteit gegeve(n) den selve(n) ja(n)ne crabbe als hue(re)n p(ro)cur(eur) o(m)me alle/ desselfs goidshuys goede chijsen rinte(n) erfpachte(n) jairgulden en(de) sculden/ tot allen den plaetsen vors(creven) die hen nu v(er)schene(n) sijn oft namaels/ v(er)schine(n) sulle(n) Te manen teisschen op te bue(re)n en(de) tontf(anghen) aen wat/ p(er)sone(n) oft goede dat dat sijn mach D(air) voe(r) te pandene te dagene/ te beleidene en(de) rasta(men)[te] te doen leggene nae gewoente en(de) costume/ vand(en) plaetsen d(air) dat behoe(re)n sal oft behoeve(n) soude moge(n) En(de)/ op dats noot gebuert voir alle richt(ere)n geestelic en(de) weerlic met/ rechte te v(er)volgen te v(er)antwerd(en) en(de) te bescudden den sculde(re)n van/ sine(n) ontfange quijt te scelden en(de) quitan(cie) te geve(n) En(de) alle tgene/ d(air) inne te doene en(de) te vord(ere)n dat de vors(creven) abt en(de) co(n)ve(n)t selve/ souden moge(n) doen waert dat sij teg(en) en(de) voir ogen waren Geloven(de)/ voir ons de selve abt en(de) co(n)ve(n)t in goed(en) trouwe(n) voir goet vast/ gestentich en(de) van werden te houden tot ewige(n) dage(n) soe wes bid(en)/ vors(creven) ja(n)ne crabbe inden sake(n) vors(creven) gedae(n) oft gevord(er)t sal worde(n) in/ e(n)nig(er) manie(re)n sond(er) argelist En(de) dat es Behoud(elic) dat de selve ja(n)/ crabbe altijt t(er) manissen des vors(creven) abts en(de) co(n)vents gehoude(n) sal sijn va(n)/ sine(n) bewinde en(de) ontfa(n)ge goede rek(eningen) en(de) bewijs te doene due(re)nde/ dese p(ro)cu(ra)cie en(de) mechtich(eit) tot den wed(er)roepe(n) desselfs abts en(de) co(n)vents/ en(de) niet lang(er) Cor(am) roeloffs burg(imagistro) abs(oloens) f(ilio) q(uon)d(am) jud(oci) et lynden scab(inis)/ no(vem)[b(ris)] xxii