Allen den ghenen die dese l(ette)ren sullen sien oft horen/ lesen burgermeeste(re)n scepen(en) en(de) raide der stat van/ loven(e) saluyt doen cont en(de) te weten dat opde(n)/ dach datum van desen voir ons comen en(de) gestaen is/ in prop(ere) p(er)sone everardt van grymde onse ingesete(n)/ poirtere en(de) heeft geconstitueert gesedt volcomen/ macht procuracie en(de) auctoriteit gegeven gielise crauwel/caversoen en(de) janne van maelcote bontwerckers oic/ onsen ingeseten(en) poirte(re)n en(de) elcken van hen besunder/ te manen teysschen opteboren en(de) tontfanghen tderdel/ van alsulken twelf pont groote en(de) vijfthien schellinge/ gr(oote) brabant [vleems] die mathijs cole he(m) sculdich is van/ doeghdeliker coepmantscape(n) als wij v(er)staen en(de) die/ voir alle gerichten gheestelic en(de) weerlic te v(er)volghen/ het zij inden lande van brabant voir de goede stat van/ colen oft elswair Voir des vors(creven) steet rastemente te/ doen legghen die ten eynde uut texeque(re)n composicie/ en(de) mynlike effeninghe dair af te maken getuyghe(n)/ ofs behoeft te leiden der wederp(ar)tien getuygen te sien/ sweren die te batteren alsoe menichwerven als des/ behoeven sal [quitancie d(air) af te gheven] en(de) vortaen specialijc in des vors(creven) is te/ doen en(de) te vorde(re)n des de vors(creven) mathijs [everart] selve in p(er)sone/ soude moghen doen telker tijt oft hij tegenwordich en(de)/ voir oghen wa(r)e(n) Promitt(ens) ratu(m) salvo iusto calculo cor(am)/ tybe hoeven mercels hoeve(n) ja(nuarii) xv