It(em) de voirs(creven) jan scrijnken in p(rese)ncia (et)c(etera) heeft gekindt en(de) gelijdt dat hij/ int vercopen dat hij gedaen heeft aen janne vander hoeven ty(n)nepotghiete(r)/ vanden goeden begrepen inden scepen(en) brieve van loeven dair aen desen/ tegewoirdigen brief gehanghen es den selven janne vander hoeven
//
bevorw(er)t hadde dat die ii cronen die jacop scholier aende selve goede/ heffende es staen ter quitinghen elken pe(n)ningh met xviii geliken/ pe(n)ninghen ende want men bevind ter wairh(eit) dat zij staen ter/ quitinghen elken pe(n)ningh met xx geliken pe(n)ninghen So heeft/ gelooft de voirs(creven) jan scrijnken den voirs(creven) janne vander hoeven zo/ wanneer den selven janne vander hoeven gelieven sal de selve/ twee cronen te quiten dat hij dan den selven janne vander hoeven/ opleggen en(de) betalen sal vier cronen eens oft zo vele doen/ aen den voirs(creven) jacoppen dat de selve jan met xviii geliken pe(n)ni(n)ge(n)/ voer elken pe(n)ning te gheven gestaen sal en(de) met vollen pachte/ Ende te meerd(er) vestich(eit) van dien so heeft hij bij orlove tshe(re)n/ vanden gronde in title van wettighen onderpande den voirs(creven) janne/ vander hoeven verobligeert en(de) te pande gesett eenen ryde(r) vanden/ drie ryd(er)s erflic inden selven brieven begrepen die de voirs(creven)/ scrijnken aende voirs(creven) goede behouden heeft en(de) heffende es eisd(em)