It(em) gheert peet(er)s gheheeten de langhe gheert t(er) p(rese)ncien ende bijsijne/ van sijnre huysvrouwen heeft ghekint ende ghelijt ghehaven ende/ ontfanghen te hebben van janne de jonghe scrij(n)make(r) ii croene(n) te/ xxv stuv(er)s tstuck die hem vallen sullen ende verschijne(n) Te weten/ deen croene dair af pe(nulti)[ma] marcii naestcomen(de) ende dand(er) croene d(air)/ af pe(nulti)[ma] m(ar)cii dair nae volghende uut saken van dier croene(n) lijft(ochten)/ staen(de) ten live des voirs(creven) gheerts ende ten live wijlen marien sjonghen/ aut alt(er)i[(us)] Dair inne de voirs(creven) jan de jonghe als p(ri)ncipael peter/ van doerne ende henrick vanden berghe als borghen v(er)obligeert staen/ ende dair inne gielijs gielijs sijn heffen hadde ghelijck den scepen(en)/ brief van loven(e) dair op ghemaect marcii pe(nulti)[ma] lestleden inne hult/ ende begrijpt Den selven janne de jonghe ende sijne(n) borghen/ vanden selve(n) ii com toecomen(de) pachte(n) nu alsdan volcomelijck quijt/ schilden(de) p(ro)mitt(ens) nullat(enu)s alloqui Ende gheloven(de) voort de voirs(creven)/ gheert den voirs(creven) janne de jonghe noch sijne(n) borghen metten voirs(creven)/ scepen(en) brieve niet te pramen(e) noch dair mede te wercken om pant/ oft af te leggen te hebben voir ten ynde vanden jaire dat den derden/ pacht verschijne(n) sal noch oick den voirs(creven) lijftocht brief nyeman(de) ov(er)geve(n)/ die hem dair mede soude moghen behulpen in (con)trarie(n) der kennissen en(de)/ gheluften voirs(creven) cor(am) duffle viceburg(imagistr)[o] junio iiii[ta]