Allen den ghenen die dese l(ette)ren (et)c(etera) burg(er)meeste(re)n/ scepen(en) en(de) raide der stat van loven(e) saluyt Doen cont/ en(de) te weten(e) dat opden dach datum van desen voir/ ons comen is henric van bouler woenen(de) tov(er)ijssche/ sone mychiels van bouler en(de) heeft geconstitueert/
//
gesedt volcomen macht procuracie en(de) auctoriteit gegeve/ mychiele van bouler zijnen vader en(de) willem(me) pols/ sweer des voirs(creven) henrix oft den eenen van hen bring(er)/ van desen alle en(de) yegewelke zijn saken questien ende/ gescillen die hij uutstaen(de) heeft oft namaels uutstaen(de)/ hebben sal mogen teghen wat p(er)sonen dat dat zij voir/ alle gerichten gheestelic en(de) weerlic alle sijn goede/ beruerlijc en(de) omberuerlic te bedingen te wynne(n) en(de) te/ verliesen zijn jairgulde chijsen renten erfpachten/ en(de) [ande(re)] sculden te manen teysschen opteboren en(de) tontfanghen/ Dair voir te panden te daghen rastamente(n) te doen alle/ scepen(en) brieve(n) te vonnissen die met rechte texeque(re)n/ getuygen ofs behoeft te leiden d(er) wederp(ar)tien w(eder)p(ar)tien/ getuygen te sien zwe(re)n die te batteren te replice(re)n/ te duplice(re)n also wale int principael als int accessoir/ also dicwille en(de) menichwerven als des behoeven sal/ En(de) vortaen (et)c(etera) P(ro)mitt(ens) ratu(m) salvo iusto calculo oct(obris)/ viii cor(am) burg(imagist)[ro] et scabinis p(re)d(i)c(t)is