Item vanden geschille dat op(e)nstaen en(de) verresen es gheweest tusschen/ den edelen he(re) h(ere)n janne van glymez he(re) tot berghen opten zoom (et)c(etera)/ t(er) eenre ende gielise van duffle die tande(re)n tijden rintmeester es/ geweest desselfs h(ere)n van berghen t(er) ande(r) zijden aengaende der/ rekeningen vanden goeden tsijzen rinten pachten en(de) schulden met des/ d(aer)aen cleeft des voirs(creven) h(er) jans dairaf de selve gielijs dbewynd en(de)/ tregiment eenen tijd van jairen gehadt heeft sijn de voirs(creven) gielijs/voer hem selven [t(er) eenre] ende merten [vacat] clerck des voirs(creven) h(ere)n jans/ van wegen desselfs h(er) jans dien de selve merten in desen op hem/ genomen heeft en(de) hier inne gelooft te vervaene t(er) ande(r) zijden come(n)/ voer scepen(en) va(n) loeven hier na genoemt en(de) hebben hen dairaf v(er)bonde(n)/ en(de) gesubmitteert in zegg(ere)n en(de) mynlike yffen(ing)en Te weten de/ vors(creven) merten van wegen zijns h(ere)n voirs(creven) in philipse vanden/ nuwenhout rintmeest(er) onss(en) gened(ichs) h(ere)n in zijnre stad van lov(en)/ en(de) de voirs(creven) gielijs in wout(ere)n vync in alsulker vuegen dat de/ selve zegg(ere)n hieraf informacie genomen hebben(de) heure eendrech/ tige uutsprake dairaf doen selen bynnen zess weken naestcom(ende)/ op dat zijs eens en(de) van accoirde zijn En(de) oft zij niet en/ v(er)accorde(re)n dat zij dan eenen goeden notabilen man vand(en) rekencame(re)n/ van brabant nemen sullen als overman dien zij vand(er) saken/ informe(re)n sullen de welke informacie genomen hebben(de) zijn/ seggen en(de) uutsprake dairaf doen sal tot alsulken daghe/
//
alse de voirs(creven) ii zegg(ere)n dair toe stellen en(de) ordine(re)n zullen en(de) om dien/ selven dach bij den zegg(ere)n den overman te assigne(re)n en(de) te nomen hebbe(n)/ de voirs(creven) p(ar)tien den selven zegg(ere)n d(air)toe volcomen macht en(de) aucto(r)iteit/ gegeven Geloven(de) de selve p(ar)tien te weten de voirs(creven) merten van/ wegen des voirs(creven) h(ere)n jans ende dien in desen op hem nemende/ vast en(de) gestentich te houden (et)c(etera) Cor(am) hoeven lynden no(vembris) xvi