Item henrick ghielijs woenen(de) te cumptich in p(rese)ncia (et)c(etera) heeft genomen en(de)/ bekendt genomen te hebben tegen janne ende henricken de vos gebrued(ere)n/ elff boende(r) lands oft dair omtrint der maten van cumptich en(de) een/ half dachmail beemds luttel min oft meer gelijc de voirs(creven) goede gelege(n)/ zijn te cumptich in diversen stucken en(de) plaetsen aldair gelijc [ende] de/ selve henrick die selve goede ald(air) in pechtinghen gehouden heeft/ Te houden te hebben ende te gebruycken te weten tvoirs(creven) beemdeken/ ende neghen boende(r) vanden voirs(creven) lande van halfmerte lestled(en)/ eenen t(er)mijn van sess jairen langh deen na dander zonder/ middel volgende Ende dande(r) twee boende(r) vanden voirs(creven) lande d(air)af/ deen boende(r) gelegen es inden bruel ende dander ten elshoute/ van halfmerte naistcomen(de) oic eenen t(er)mijn van sess jairen langh/ eenep(ar)lic vervolgende elcx jairs dae(re)nbynnen voer en(de) om neghen/ zacke(n) rogs en(de) drie zacken tarwen beide goeds en(de) payabels grains/ met wanne en(de) vloegelen wel bereidt der maten van loeven te/ weten zess halst(er) d(er) selv(er) maten voer elken zack voirs(creven) gerekent ts(in)t/ andriesmisse ap(oste)ls te betalen en(de) te loeven te leve(re)n den vors(creven) gebrued(ere)n/ alle jaire den voirs(creven) t(er)mijn due(re)nde (et) quo(li)[b(et)] ass(ecutu)[m] Ende es vorw(er)de/ dat de voirs(creven) henrick ghielijs zonder afslach vanden voirs(creven) pachte/ jairlicx betalen sal den goidshuyse van vrouwen p(ar)cke drie sacken/ rogs der maten voirs(creven) Voirt es vorwerde want de voirs(creven) wyn/ de lande hier na bescr(even) te weten een stuck op den hamelsbergh een/ stuck gelegen boven willems van kersbeke wijngairt noch een stuc/ boven den selve(n) wijng(ar)t gelegen en(de) een stuck opt dorpvelt tsijne(n)/ aencomen besaeyt vand met wynt(er)coirne zo sal hij dat tsijnen/ afscheiden also besaeyt moeten laten It(em) want de corenvruchten vande(n)/ selven landen ts(in)t jansmisse lestleden geschatt waren op xxvii zacke/ rogs der voirs(creven) maten so es vorwerde datmen die ten affscheiden/ des vors(creven) wynnen weder schatten sal en(de) oft die beter bevonden/ worden dan de vors(creven) xxvii zacke rogs dat zal den selve(n) wynne/ te baten comen en(de) oft zij arger bevonden worden dat sal hij den/ gebruede(re)n moeten opleggen lye(ming)[en] blanckairt ja(nua)[rii] viii