It(em) het sijn come(n) in rechte voir meye(r) ende scepen(en) van loven(e) gheert/ meerman aenlegge(r) in deen zijde ende gielijs vander meynaertshoven/ vleeschouwe(r) in dande(re) aldair de voirs(creven) gheert den voirs(creven) gielijse aensprack/ seggende dat de voirs(creven) gielijs ende wijlen peter meerman des voirs(creven) geerts/ wettich brueder van over vele jairen tsamen ghecomescaept hadden met/ hue(re)n ghemeynen goiden in coipen en(de) vercoepen van scapen de welke/ de voirs(creven) gielijs met groet menichten en(de) oeck de vellen en(de) wolle dair/ af comen(de) [verthiert] hadde zonder den voirs(creven) pete(re)n in sijnder tijt dair af e(n)nich bescheit/ vanden pe(n)ninghen dair af ghecome(n) gedaen te hebben Segghen(de) voort de/ selve gheert dat hij alleene wa(r)e wettich brueder ende enich erfgename/ desselfs wijlen peet(er)s alsoe dat deen helicht vanden pe(n)ninghen goeden en(de)/ schulden die de voirs(creven) gielijs t(er) tijt vander aflivicheyt des voirs(creven) pet(er)s ond(er)/ hadde alsoe van hue(re)n ghemeyne(n) comescape(n) ghecome(n) hem toebehoren(de) ende/ nyeman(de) and(er)s Soe hoopt hij dat de voirs(creven) gielijs tot sijnre eedt tselve/ ghemeyn goet onder hem wesen(de) oft hem uutstaen(de) soude vercla(r)en en(de) den/ voirs(creven) g(heer)de dair af deen helicht laten volghen ende hem dat ov(er)geven/ Seggen(de) dat ghedaen dat hij dae(re)ntynden oick p(rese)nteerde hem te vercle(re)n/ van des hij van weghen sijns voirs(creven) brueders ae(n)verdt ende onder hadde o(m)me/ den voirs(creven) gielijse dair af deen helicht te moghen volgen(e) Tegen dweck/ de voirs(creven) gielijs hem verantw(er)dende seyde dat hij bekinde dat de voirs(creven) wijlen/ peet(er) ende hij tsame(n) gecomescaept hadde(en) en(de) dat hij den voirs(creven) pete(re)n de/ beesten bijden voirs(creven) gielijse in groten ghetale inneghecocht om voort/ te loeven(e) te pe(n)neweerden inden ghetale op so(m)mege(n) jaire van tweeduysent/ scapen ende vanden beesten die de selve gielijs voort in vlaende(re)n ende/ elswair vercocht hadde van sijnre handt den selve(n) wijlen pete(re)n de pe(n)nige/ van alsulken gemeyne(n) goeden in handen gaen(de) om te verwa(r)en als den gene(n)/ dien hij des betruwde ov(er)mids dat de selve gielijs dicwijle afhendich was/ ende de voirs(creven) pet(er) altijt den meesten tijt thuys bleef sonder dat de selve/ pet(er) nochtan hem zee(r) luttel pe(n)ninghe hadde ghedaen Ende om dat de voirs(creven)/ gielijs hier af g(er)ne clairnisse hadde ghehadt ende totten sijne(n) met vrientscape(n)?/ moge come(n) hadde hij den voirs(creven) pete(re)n in sijnre siecheyt aengesien ende/ ghebeden dat hij hem hadde willen cle(re)n van hue(re)n ghemeyne(n) goede(n) en(de) met/ gielijse reken(en) ende hij p(rese)nteerde te doen van ghelijken ende dat meer wa(r)e/ hadden hij den voirs(creven) gheerde nae dat de voirs(creven) peet(er) totter rekeni(n)gen niet/ in woude verstaen mair vast crinckte in siechten gebeden en(de) doen bidde(n)/ dat sij tghelt ende de schult hen beyden toebehoren(de) onder den voirs(creven) pete(re)n
//
sijnde hadden moghen tsamen ov(er)slaen en(de) inventorie(re)n oft ten mynsten/ de slote dair dat inne was besegelen op dat dair o(m)me tusschen hen naemaels/ gheene(n) stoot en ghebuerde des de voirs(creven) peet(er) vore ende gheert nae/ gheweyghert hadde(n) ende ware alsoe de selve pet(er) aflivich wordden/ Ende heeft de voirs(creven) gheert de voirs(creven) goede alsoe in sijne(n) huyse onge/ inventarieert en(de) ombeseghelt blive(n) houden(e) ende dair mede bynne(n) myddele(n)/ tijde ghedaen mach hebben des hem ghelieft dwelck ghedraeght in g(ro)ten/ p(re)judicie ende acht(er)deele des voirs(creven) gielijs mids den welken de selve giel(ijs)/ hoopte nae de diligencie die hij gedaen heeft die hij meynt hem nae/ recht ghenoech te zijne tot dyen dat de voirs(creven) gheert mids alsulker/ weygheringhen hem nae recht suspect ghemaect heeft ende es in dien/ voir suspect te houden van frauden ende [en] es alsoe mids dien niet te/ admitte(re)n tot eede van clairnissen der goede voirs(creven) noch dair inne ghelooft/ te zijne mair dat soude hebben moghen doen de voirs(creven) peet(er) teghen den/ voirs(creven) gielijse hadde hij ghelieft Ende soude dan de voirs(creven) gielijs de voirs(creven)/ clairnisse bij gheerde versocht schuldich sijn te doene soe hoopt hij nae/ recht dat hij oick die boidt weet die ghelegenth(eyt) van hem den voirs(creven)/ pete(re)n dan yemant and(er)s van des peet(er) onder hadde gheloeft soude/ sijn te vercle(re)n Dair teghen de voirs(creven) gheert repliceerde seyde dat ter/ tijt alse de voirs(creven) gielijs de voirs(creven) rekeninghe aen pete(re)n beg(er)de dat dat/ was zee(r) corten voe(r) sijn doot ende dat hem niet wel moghelick en was/ alsulken rekeninghe wael te conne(n) gedaen Nae den welken de voirscr(even)/ gielijs concludeerde ende seyde dat de voirs(creven) gheert int cleren van pet(er)s/ goide niet te gheloeven en soude sijn mits den reden(en) voirs(creven) mair dat de/ selve gielijs den staet van des voirs(creven) peet(er) ende hij van ghemeyne(n) goide(n)/ onderhadden ghelooft soude sijn te vercla(r)en om elken dair af te hebben(e) dat/ hem nae dien toebehoerde Dair op de scepen(en) ghemaent wijsden den/ voirs(creven) gielijse van sijne(n) voirs(creven) bileggen(e) tot sijne(n) thoene des hij alsoe/ volquam ende dat meer es bewijsde dat de voirs(creven) pet(er) ter tijt alse/ hij hem de rekeninghe aensach was in goiden verstande ende memorie(n)/ Seggen(de) tot dien tot gielijse dat hij te vreden ware vander rekeninghe(n)/ en(de) tot dyen als gielijs de voirs(creven) clairnisse ende segelinghe van gheerde/ beg(er)de dat gheert antwoorde ende seyde gielijs ghij waert g(er)ne aent/ goet ende ghelt ghij en gheraect(er) alsoe niet aen Dae(ren)tynden de/ scepen(en) van loven(e) ghemaent vanden meye(r) hier op rijpelijken geledt/ hebben ghewiest met vo(n)nissen dat gielijs vander meynartshoven bij ede
//
v(er)cle(re)n sal tghene des hij van ghelde schulden beesten vellen en(de)/ wollen ende anders ter tijt vander aflivicheyt peet(er)s wijlen meerma(n)s/ onder hadde ende desgelijx sal de selve gielijs oick moghen clee(re)n/ des de selve wijlen pet(er) insgelijx van ghelde schulden beesten velle(n)/ wollen ende and(er)s oick onderhadde ende al hin beyden toebehoren(de) ende/ dae(re)ntynden recht lata p(rese)ntibus om(n)ibus scab(inis) in scampno m(ar)cii v[ta]