It(em) hebben de voirs(creven) henrick van dyoen ende (christ)iaen sijn zone/ den voirs(creven) roelove inde voirs(creven) goede ghegoeyt te dier meyni(n)ghe(n)/ want de selve henrick van dioen alhier niet verthoeven en mach/ om nootsaken wille die hij elswair te doene heeft dat de voirscr(even)/ roelof in huer absencien de voirs(creven) goide mett(er) selv(er) guedinghen voort ov(er)goiden sal moghen Te weten(e) de voirs(creven) ca(m)me daneele/ aroins die de selve ca(m)me op hoghen ghecocht heeft ende/ dande(re) twee huysen barthelmeeuse van maelcote en(de) henrick/ peet(er)s die selve huyse insgelijx op hoghen gecocht hebben/ Soe wa(n)neer sij dat v(er)sueken sullen ende de ghelufte va(n) waerscape/ en(de) genoech doene der selv(er) goide die he(m) bijden selve(n) vader en(de) zone
//
gedaen sij(n) voir scepen(en) van loven(e) ten selven rechte ov(er)gheve(n)/ ende de pe(n)ninghe die dair af come(n) sullen dat hij die henricke/ de(n) hollandre sal laten volghen o(m)me die selve pe(n)ninghe bijden/ selven henricken de hollande(re) bekeert te wordden in afslaghe van/ hue(re)n schulden aen de p(er)soene dair sij hem dat bewesen hebben/ cor(am) eisd(em)