Allen den ghenen dien dese l(ette)ren ghethoent sullen wordden ende/ besundert den eerw(er)dighen voirsienighen ende wijsen onsen onsen he(re)n en(de)/ goeden vrient president ende ande(re)n he(re)n vanden raide ons gened(ichs) she(re)n/ tsh(er)toghen tot bruessel resideren(de) burg(er)meest(er)s scepen(en) ende raid der/ stad van loven(e) saluyt met kinnissen der wairheyt doen te weten(e)/ dat opden dach van heden voir ons come(n) ende in hue(re)n p(ro)pe(re)n p(er)soene/ verschenen sijn de eerbe(r) jan de witte zone jans wijlen de witte ende/ jan van chynnoet onse ingeseten poirt(er)s ende hebben ald(air) in alle/ der bester vormen ende manie(re)n soe dat nae recht best mach diene(n)/ ende behoren volcomelick ghemechticht ghesedt gheordineert ende/ gheconstitueert ende met des(er) l(ette)ren vermechtighen setten ordine(re)n ende/ constitue(re)n huere p(ro)cur(eur)s ende saeckweldighe meest(er) arnde vander strate(n)/ gheheeten brau hubrechte vander straten gheheeten brau zijne(n) sone en(de)/ janne de bryere ende elken van hen besundert bring(er) van des(en) in/ allen der voirs(creven) geconstitueerd(er)s saken ende stucken ende stucken diesij nu/ hanghende hebben oft naemaels hebben sullen voir de eerw(er)dighe wijse/ ende voirsienighe onsen goeden h(ere)n ende vrienden president ende ande(re)n/ h(ere)n va(n)d(en) eedelen raide ons gened(ichs) she(re)n tsh(er)toghen van bourg(oig)[ne(n)] en(de) van/ brabant voirs(creven) teghen jonche(re)n philipse van bailhet ende sijne(n) mede/ plichte(re)n ende adherenten uut causie van tghene des de voirs(creven) es (con)stitueerd(er)s/ als borghen voir jonch(e)r raise wijlen vander ryvie(re)n hee(re) van lynthe(r) sweer/ svoirs(creven) jonck(e)r ph(ilip)s verleet en(de) betaelt hebben ende des dair aen cleeft Alle/ de selve saken in aenlegg(er)s oft verweerd(er)s stad inne te setten(e) ende te defenderen(e)/ ende die(n) voort nae stijl der raetcame(re)n voirs(creven) te bedingen(e) te v(er)waeren(e)/ en(de) te v(er)volgen(e) met rechte en(de) totte(n) ynde vanden rechte die te wynnen(e)/ en(de) te verliesen(e) ende alle manie(re)n en(de) artijclen van rechte te vorderen(e) die/ dair toe nae recht behoren moghe(n) ende den voirs(creven) p(ro)cur(eur)s orberlick duncken/ sulle(n) Ende voirtaen g(e)n(er)alick en(de) sp(eci)allec allet gene d(air) inne te doen(e) (et)c(etera)/ P(ro)mitten(tes) rat(um) cor(am) tybe burg(imagistr)[o] blanck(aer)t m(er)sels scab(inis) junii s(e)c(un)da