Jan vlieghe/ It(em) alsoe als jan vlieghe als wettich man en(de) momboir katline(n)/ van bullestraten sijns wijfs geleyt voir zeker sijn wettich gebreck/ van eene(n) rijder lijftochte(n) ten live der voirs(creven) ka(tli)[ne(n)] tot den goede have en(de)/ eene symoens wijlen vander heyden heeft doen scriven den meye(r)/ van campenhout oft sine(n) stedehoude(r) te wespelair hem de selve/ goede ghelijck die hier onder bescreven staen te leve(re)n en(de) oft gheert/ storm jan vander heyden of yemant and(er)s die hem die selve goide/ onghebruykich maken dair teghen yet segghen willen dat sij des/ alhier op heden te rechte quamen ende de selve gheert en(de) jan/ noch nyeman and(er)s alh(ier) niet come(n) en sijn den voirs(creven) ja(n)ne vlieghe/ alhier te rechte comen(de) en(de) trecht v(er)suecken(de) thoenende oick c(er)tificacie/ vander execucie(n) gheschied vanden versuecke bijden stadhoude(r) des voirs(creven)/ meyers van campenhout tot wespelair Soe hebben de scepen(en) van/ loven(e) t(er) manissen smeyers ghewijst voir een vo(n)nisse soe verre svoirs(creven)/ gheleydde(n) wed(er)p(ar)tije niet en quame ten opstane smeyers en(de) van hen/ datmen hem dan houden soude vanden voirs(creven) goiden in sijne(n) beleyde/ tot sijne(n) wettighen ghebreke behoef soe verre het noch voir hen/ come(n) es Cor(am) absoloens milite blanck(aer)t abs(oloens) lynden novemb(ris) iiii

Dit sijn die goide dair af/ voe(r) mencie gemaect es/ yerst huys en(de) hoff ghelegen t(er) hulst tussche(n) de goide jans va(n) bullest(ra)ten/ en(de) henricx spapen It(em) (½) boender lants gelege(n) op misseghem tusschen/ de goide jacops van raveschote en(de) zeg(er)s en(de) lodewijcx peet(er)s It(em) ii(½) dach(mael)/ lants ghelege(n) opt selve velt in twee stucken ald(air) tusschen de goede meest(er)/ jans van erpe en(de) jacops van raveschote It(em) een half boender lants gelege(n)/ opt broecvelt tusschen de goede de kynde(re)n gheerds en(de) jacops va(n) raveschote/ It(em) een stuck lants ghelegen opt grootbroecvelt met den eene(n) ynde aent/ broeck ald(air) It(em) (½) dach(mael) lants geleg(en) voir de woni(n)ge svoirs(creven) wijlen symoens It(em)/ een stuck lants gelege(n) opde(n) savel tussche(n) de goide tshe(re)n sabts van ts(in)te g(er)truden/ te loven(e) en(de) coels vander beke t(er) ande(re) It(em) (½) dach(mael) gelege(n) opde(n) varent tussche(n) die/ goide meest(er) jans van erpe en(de) h(ere)n jans va(n) ranshems ridd(er)s It(em) een block gelegen/ aen de copshoeve tusschen de goede willems vander beke en(de) willems vand(er) heide(n)/ It(em) eene(n) beempt ghelege(n) inde wittebeempde tussche(n) de goide der he(re)n van sinte/ bernarts en(de) jans van dyependale Item een eeussel gheleghen inde
//
crayeneycke tusschen de goede h(ere)n jans van ranshem ridders ende/ meester jans van raveschote It(em) een beemdeken dwelc leen es gelege(n)/ inde lake