Cont zij allen lieden dat brueder willem somer rector procur(eur) en(de)/ pater vanden godshuyse van sinte agneeten bynnen der stat/ van thienen der ordinen van sinte augustijns uut name en(de) van/ weghen en(de) als des volcomentlijc gemechticht vanden selven/ godshuyse in yegenwordicheiden der scepen(en) van loven(e) gestaen/ heeft gekint en(de) ghelijc vettelic vercocht en(de) ten erfpachte/ uutgegheven te hebben janne van wetsinghen woenen(de)/ te cleyn haller en(de) zijnen erfgenamen thof des vors(creven) godsh(uys)/ metten huysen hoven wynnen(de) lande beempden eeuselen/ driesschen bogarden en(de) allen ande(re)n toebehoerten geleghen te/ cleyn haller en(de) dair omtrent in diversen stucken en(de) plaetsen/ aldair gelijc de selve goede toebehoe(re)n plaghen willem(me) van/ ro(m)male en(de) jouffr(ouwe) lijsbetten van gheete zijnd(er) huysvruwen/ en(de) tselve godshuys tegen hen vercreghen heeft hier/ inne uutgescheiden de chijse in cappuynen en(de) liejoese?/ die tvors(creven) godshuys heeft te cleyn haller en(de) dair omtrent/ dair inne de selve jan gheen recht hebben en sall/ Te houden en(de) erflic te hebben op alle den co(m)mer last chijs en(de)/ renten dair van voir uutgaende ten gewoenliken tijden/ te betalen ende vortaen op derthien mudde(n) corens harts/ corens goet en(de) payabel d(er) maten van thienen en(de) pacht van haller
//
met wanne en(de) vlogelen wel bereit erflijc jairlix tsinte andries/ messe apostels vallen(de) en(de) ombegrepen tonser liever vruwen dage/ lichtmesse te betalen en(de) te thienen te leve(re)n int vors(creven) godshuys/ opden greynnier op cost en(de) last des voirs(creven) jans van vetsingen/ tot eeuweghen daghen En(de) vortaen op een [goet] vet lam te/ leve(re)n jairlix den voirs(creven) godshuyse te lichtmesse oft te paessche(n)/ zoe langhe de vors(creven) jan oft zijn nacomelinge besitte(re)n vanden/ voirs(creven) goeden inde selve goede schape houden en(de) niet langer/te leve(re)n Ende in meerder vestich(eit) om den voirs(creven) godshuyse/ vanden voirs(creven) xiii mudden corens jairlix betalinghe te ghecrigen/ en(de) te hebben heeft de voirs(creven) jan van wetsinghen gelooft/ voir hem en(de) sijnen nacomelingen ter manessen des procur(eur)s/ vanden voirs(creven)godshuyse [tot behoef desselfs godsh(uys) de goede hier na bescreven] tot eenen wettigen onderpande te/ setten behoirlic voir hof en(de) hee(re) dair af men die pande/hier na bescreven houden(de) is te weten inden yersten een/ half boender lants gelegen tesemale tusschen den goeden der/ tafelen vanden heyligengheest van thienen op deen zijde en(de)/ gheerts thonis op dande(re) Item een dachmale lants dertschoef/ gelegen achter mere tusschen den goeden tscoesters van ghempe/ en(de) henrix thonis Item een driesken gelegen tesemale neve(n)/ den goeden gheerts thonis Item een mudde corens d(er) maten/ van thienen erflic tsint andriesmesse apostels te betalen/ aen en(de) op een huys en(de) hoff metter toebehoirten gheerts thonis/ gelegen tezemale neven den goeden daneels vander motten/ Van welcken onderpanden voirs(creven) de vors(creven) jan van wetsingen/ gelooft heeft voir hem sijnen erven en(de) nacomelingen den/ vors(creven) godshuyse altoes genoech te doen wair hij [hem] ergerens te/ nauwe gedaen hadde [ware] en(de) heeft de voirs(creven) onderpande soe/ v(er)re die gront zijn gewarendeert opden he(re)n chijs vanden/ gronde Ende vortaen op drie molevaten rox erflic als voir/ alle den co(m)mer en(de) last dair van voir uutgaende also dat den/ voirs(creven) godshuyse tot eeuwegen dagen vast en(de) zeker sal moge(n)/ wesen Item hebben de voirs(creven) procur(eur) vanden voirs(creven)/ godshuyse uut name ende van weghen vanden/ selven godshuyse ter eender ende jan van wetsinge(n)/ ter ander zijden malcande(re)n vort gelooft ten v(er)sueke/ des anders van hen behoirlike vesticheit en(de) warantscap/ te doen vanden voirs(creven) goeden aengaende den voirscreve(n)
//
principaelder coepmantscap voir hof ende hee(re) dair men/ die voirs(creven) goede afhouden(de) is ten coste des voirs(creven) jans/ van wetsinghen met condicien oft inden gevalle oft de/ getuyghen die over de coepmantscap d(er) voirs(creven) goede/ wa(r)en vand(er) selver cost de contrarie droeghen bij/ heu(r) heede dat de vors(creven) p(ar)tien hue(r) verstant van dien/ navolghen sal [sullen] Vort is vorwerde dat de vors(creven) jan va(n) wetsinge/ vanden voirs(creven) derthien mudden corens sal mogen aflegge(n)/ wanneer hem dat gelieven sal sesse oft seven mudden/ mair niet myn smaels dan een mudde corens en(de)/ elc mudde [d(air) af] met seventhien pet(er)s d(er) mu(n)ten ons gened(ichs)/ he(re)n ts(er)togen te xviii st(uvers) tstuc oft de weerde d(air) voir in ande(re)n/ goeden ghelde en(de) met vollen pacht altoes na gelande vand(en)/ tijde [ende quitinghen] Item is ondersproken alse vanden dertich r(ijnsch) gul(den) te/ xx st(uvers) tstuc die tvoirs(creven) godshuys leende everarde van lisemeele/ die wynne is int voirs(creven) hoff tsijnen innetreden dat de vors(creven)/ jan va(n) wetsinghen den voirs(creven) godshuyse die betalen sal ten/ termijne dat die pechtinghe dair af zijnde begrijpt/ mair des sal de voirs(creven) procur(eur) den selven janne alleene/ vesticheit doen met rechte om die selve xxx r(ijnsch) gul(den)/ vanden vors(creven) everarde den wynne te gecrigen ende inden/ gevalle oft de voirs(creven) jan die vors(creven) xxx r(ijnsch) gul(den) bynnen den/ vors(creven) t(er)mijne d(er) vors(creven) pechtingen niet gecrigen en can/ soe is vorweerde dat de selve jan vander vorscrevend(er)/ betalingen noch dach aen tvoirs(creven) godshuys naden vorscr(even)/ t(er)mijn van dier betalingen hebben sal drie jair lanc/ vervolgen(de) zond(er) argelist Insgelix heeft de vors(creven)/ jan voir hem en(de) zijnen nacomelingen toegeseeght/ en(de) geloft tvors(creven) hof metter toebehoirten niet targe(re)n/ mair dat te bete(re)n ende de huysinghe te repare(re)n/ en(de) die te houden van goeder reparacien Welcke/ condicien vo(e)rweerden en(de) geloofte(n) alle en(de) yegewelcke tsamen/ en(de) elc besunder de vors(creven) brued(er) willem somer uut name en(de)/ van wegen des vors(creven) godshuys ter eend(er) en(de) de vors(creven) jan van/ wetsinghen [voir hem en(de) sijnen nacomelinge(n)] t(er) ande(r) sijden gelooft hebben tachtervolgen en(de) die/ malcande(re)n te voldoene also dat eene(n)yegeliken va(n) hen tot eeu/ wegen dagen vast en(de) seker sal mogen wesen m(er)cels hoeven/ junii xvii