It(em) de voirs(creven) gerard le hardi die tandere(n) tijde(n) janne vanden/ hoevelde vercocht heeft ende ov(er)gegoet voir scepen(en) va(n) loeven(e)/ een huys en(de) hof gelijc dat belegen is in sinte qui(n)tens strate/ tusscen den goeden [vacat]/ Ende dair af gelooft waerscap ende genouchdoen welke goede/ hij van te voren belast hadde met twee gulden pe(n)ninge/ geheten [vacat] rente(n) [vacat]/ Ende zijn heffen behoude(n) heeft in desen voirs(creven) rijdre/ lijftochten Heeft begheert en(de) gewillecoirt wairt datme(n)/ namaels bevonde gebreck inden geloften voirs(creven) hoedanich dat/ ware oft dat de coepe vanden gronde in enigen nacomen(de)/ tijden oft dat oic de voirs(creven) gront beschadicht oft belast worde(n)/ om der quader betalingen der voirs(creven) twee gulden(en) [vacat] d(air) op/ vercocht zijnde datmen dat gebreck verreyken en(de) v(er)halen/ sal met allen costen dair op loepen(de) het waren costen va(n) rechte/ oft andere opden voirs(creven) rijdre lijftochten Ende te dier mey/ ningen heeft de voirs(creven) gerart geconsenteert dat desen voirscr(even)/ scepen(en) brieff sal alhier blive(n) berustende ond(er) scepen(en) van loeven(e)/ mair de voirs(creven) gerard sal zijn heffen dair inne behoude(n) tot/ datter e(n)nige calaengie comt Met (con)dicie(n) en(de) vorwerden waert/ dat namaels desen voirs(creven) rijdre lijftochte(n) afgeleecht worde/ datmen de pe(n)ninge dair af comende ter selver natueren/ wed(er)om aenleggen sal cor(am) eisd(em)