Allen den ghenen (et)c(etera) burg(er)meest(ere)n (et)c(etera) dat op heden voir/ ons comen es in p(ro)pren p(er)sone h(er) jan van erckentele hie(r) tzoe esnu (et)c(etera)/ ridde(r) ende heeft gheconstitueert ghestelt en(de) geordineert sijn p(ro)cur(eur)s/ ende voirgeng(er)s willem(me) van leefdale ende janne van borre ende/ elken besundert in allen zijne(n) zaken ghescillen ende bederve(n) die hij/ nu uutstaen(de) heeft oft naemaels hebben sal moghen in aenlegg(er)s oft v(er)w(er)d(er)s/ stad hoedanich die sijn Gheven(de) en(de) verlenen(de) de selve (con)stitueerder den voirs(creven)/ sijne(n) p(ro)cur(eur)s en(de) elken besund(er)t volcomen macht auctoriteyt ende zunderlinge/ beveel alle de selve saken met rechte te vervolgen te bescudden en(de) te bedinge(n)/ tallen plaetssen voir alle gherichten ende tegen eene(n)yegelijken dair des/ behoeve(n) ende te doen sal wesen Ende desgelijx o(m)me alle des voirs(creven) (con)stitueerd(er)s/ chijse rinten pachten v(er)vallen vervallen ende ande(re) schulden dieme(n) hem nu/ schuld(ich) es oft naemaels wesen sal Te mane(n) teysschen opte bue(re)n en(de) tontfange(n)/ den schulde(re)n van hue(re)n ontfanghe quijt te schelden(e) en(de) quintan(cie) te gheven(e)/ dair voe(r) te panden(e) te dagen(e) en(de) rastamente te doen leggen(e) composicie/ en(de) mynlijke yffeninghe dair af te maken(e) scepen(en) brieve(n) te vo(n)nissen en(de)/ en(de) die te exeque(re)n De selve chijse renten pachten v(er)vallen en(de) schulden/ met rechte teysschen ende te vervolghen die te wynnen en(de) te verliesen/ Ghetuygen ofts behoeft te leyden der weder p(ar)tijen ghetuygen te sien ende/ ho(r)en swe(r)en die te batte(re)n te replice(re)n te duplice(re)n alsoe wael int p(ri)ncipael/ als int actessoir alsoe dicwijle en(de) menichw(er)ve(n) als des te doen sal sijn/ En(de) alle pointen en(de) ar(ticu)[len] van rechte d(aer) toe te vorde(re)n die nae recht oft/ costume vanden plaetssen d(aer) dat ghebuert beho(r)en moghe(n) en(de) den voirs(creven)/ p(ro)cur(eur)s orberlick duncken selen En(de) voirts allet ghene dair inne te doene (et)c(etera)/ P(ro)mitt(ens) rat(um) cu(m) (com)putac(i)o(n)e et revocacio(n)e cor(am) wynghe burg(imagistr)[o] boxho(r)en/ hove scab(inis) octob(ris) xxv