It(em) t(er) meerder vestich(eyt) den voirs(creven) pensionarijsen van des voirs(creven) es te doen(e)/ soe sijn bij handen mercx crauwels vorst(er)s te loven(e) vanden voirs(creven) jacoppe/ den voirs(creven) h(ere)n pete(re)n tot behoef als vo(r)e in hande(n) ghesedt en(de) verobligeert/ voir tvoldoen der voirs(creven) rinte(n) de juweele(n) h(ier) nae besc(re)ven Inden yersten seven/ zilve(re) lepelen eene(n) zilve(re)n croes eene(n) zilve(re)n v(er)gulden(en) vrouwe(n) ryem met/ eene(n) groene(n) webbe wegen(de) te same(n) iiii m(er)ct Te dyen eynde ghebuerdet/ den voirs(creven) pensionarijsen inde voirs(creven) lijft(ocht) oft inder bewijsenissen der selv(er)/ e(n)nich ghebreck te hebben dat sij oft yemant and(er)s recht inde voirs(creven) lijft(ocht)/ hebben(de) sijn ghebreck aende voirs(creven) juweelen v(er)halen sal moge(n) en(de) die met/ rechte ver ten prijze van juwelie(re)n oft goutsmede(n) hen des verstaen(de) v(er)coepen/ en(de) ten hoeghste(n) bringhe(n) Schelt d(air) yet ov(er) dat salme(n) den voirs(creven) jacoppe/ wederke(re)n en(de) oft d(air) yet ghebrect dat sulle(n) sij met hue(re)n scepen(en) brieve(n) aende(n)/ p(er)soen des voirg(enoemde) jacops en(de) sijn ande(re) goede moghen verhalen ende oft sij and(er)s/ dan met vercoepe der voirg(eruerde) juweele(n) vernueght wordde(n) soe sal men de voirs(creven) h(er)/ peet(er) ghehoude(n) sijn den voirs(creven) jacoppe de voirg(eruerde) juweelen weder te restitueren(e)/ gelijck hij die ontfanghe(n) heeft cor(am) cor(am) eisd(em)