Op alsulke q(ue)stie als onlanx lede(n) geport is voir meye(r) en(de) scepen(en)/ van seroux tusschen jehan le bastart in deen zijde en(de) pirar de mons/ in dande(re) d(aer) af p(ar)tie(n) jege(n) malcande(re)n gevolcht hebbe(n) soe v(er)re dat de/ voirs(creven) scepen(en) van die(n) als geleert uut desen hue(re)n hoede tvo(n)nisse gewijst/ hebben dat pirar de mons voirs(creven) gehoude(n) soude zijn te betalen alle/ coste(n) van rechte tot dat tvo(n)nisse gegeve(n) was inde banc te grave(n) bij/ laste van hue(re)n hoofde incluis Ende d(aer)na de selve p(ar)tie(n) come(n) zijn/ voir den rade vander stad om te hebben appointem(en)t te(n) mynste(n) coste en(de)/ laste der voirs(creven) p(ar)tie(n) alse vanden costen zeder den voirs(creven) vo(n)nisse tussce(n)/ hen gesciet zijnde en(de) dat also den voirs(creven) janne zijn ingesette pande/ volghe(n) mochte(n) Is de(n) voirs(creven) p(ar)tien geappointeert inde(n) volle(n) rade/ vander stad dat bij de(n) voirs(creven) jan de bastart de gesten gedaen voir de(n)/ voirs(creven) hootvo(n)nisse van graven en(de) die dair na gedaen zijn de welke/ hij p(re)tendeert wed(er) te hebben in gescrifte zijnre wed(er)p(ar)tien bij goeder/ specificacien ov(er)gegeve(n) selen werden den voirs(creven) pirart de mons/ binne(n) sesse dage(n) naestcomen(de) Op dwelke de voirs(creven) pirart int/ geheele zijn diminucie(n) doen en(de) maken sal binne(n) sesse dage(n) d(aer)na/ en(de) zijnre p(ar)tie(n) ov(er)geve(n) om oft p(ar)tie(n) niet verlijken en consten de/ selve costen alhier get(er)min(eer)t te werde(n) van goensd(age) naestcomen(de)/ ov(er) acht dagen Ende want de voirs(creven) pirart de coste(n) va(n) vo(r)e/ en(de) na kint op dat zij getaxeert worde(n) soe sal de(n) voirs(creven) jan/ de(n) bastart zijne(n) fijn gerestitueert werde(n) blive(n)de des voirscr(even)/ pirarts fijn tot de(n) ynde vand(er) taxacie(n) act(um) in ple(n)[o] (con)s(ilio) augusti vii