Vanden stoete wesen(de) tusschen wille(m)me de becke(re) gehete(n) cobbelgiers/ als man en(de) momboir lijsbetthe(n) vand(er) eyken docht(er) henrix wijlen vand(er)/ eyken in deen zijde en(de) weyne vand(er) eyken na(tur)lec sone wout(er)s wile(n)/ vand(er) eyken inde(n) name va(n) hem selve(n) en(de) van weghen lijsbetthen vand(er)/ moelen sijns wijfs in dand(er) zijde vanden goeden beruerlic en(de) ombe/ ruerlic haeflijke en(de) erflijke en(de) oic vliegen(de) erve hoedanich die sijn/ moegen die hen uut doode des vors(creven) wijlen wout(er)s vand(er) eyken/ en(de) wijlen henrix vand(er) eyken bij successien oft v(er)sterfenissen v(er)schene(n)/ sijn mogen oft bij testame(n)te gelaten en(de) des d(aer) aen cleeft hebben/ hen de vors(creven) p(ar)tijen d(aer) af en(de) van allen and(ere)n stoete [en(de) gescillen] die (sij) (tegen)/ malcande(re)n uutstaen(de) hebben tot desen dage toe van heden/ submitteert en(de) v(er)bonden in segg(er)s en(de) vriendelike yffene(re)n Te/ wetene de vors(creven) willem de becke(re) in anthonise van winghe
//
nu t(er) tijt meye(r) te libbeke en(de) meest(er) cornelise va(n) scoenvorst/ en(de) de vors(creven) weyn in peelen vand(er) most briede(r) en(de) henricke/ vand(er) heyden Met (con)dicien en(de) vurw(er)den dat elc d(er) vors(creven) p(ar)tijen/ in gescrifte den selven segge(re)n ov(er)geve(n) sal sijne(n) erfch(ijs) en(de) gebrec/ bynne(n) viii dagen naestcomen(de) en(de) d(aer) op huer v(er)antw(er)d(en) doen/ insgelijx met gescrifte mette(n) thoenisse op dats behoeft bi(n)ne(n)/ viii daghen d(aer) nae En(de) dat gedaen sullen de segg(er)s huer/ uutsprake d(aer) af doen binnen xiiii nachten d(aer) nae op dat/ sijs eens sijn En(de) oft sijs niet eens en sijn dat sij dan eene(n)/ ov(er)man neme(n) sullen dien sij vand(er) saken informe(re)n sullen welc/ ov(er)man sijn uutsprake d(aer) af doen sall bynne(n) xiiii nachten d(aer)/ nae oft binnen den selve(n) xiiii nachten met allen den besceide/ comen bij meest(er)s van rechte oft bij scepen(en) van loven en(de) d(aer)/ af halen een uutsprake van rechte opden wijn dwelc van/ beiden den vors(creven) wille(m)me gelieve(n) sall met vurw(er)den dat/ de selve wllem alle de tijtverdige vruchten [d(er) vors(creven) goeden] den tijt vanden/(com)promisse due(re)nde sal mogen inne doen en(de) die [bij een] op hen selve(n)/ leggen o(m)me die ten ynde vand(er) uutspraken te volgene den/ ghene(n) diese aengeseet sullen worden En(de) t(er) andre zijden dat/ de vruchten vanden selve(n) goeden gecome(n) die de vors(creven) weyn/ inne gedaen heeft de selve ... soe v(er)re hem die afgeseetwerden [in des selfs weyns handen blive(n) sullen o(m)me die]/ ten ynde vand(er) selve(r) uutsp(ra)ken insgelijx te volgen den/ gheene(n) dien sij mett(er) selve(r) uutspraken aengeseet sullen worden/ P(ro)mitt(entes) p(re)d(i)c(t)e p(ar)tes rat(um) op eene(n) banduyn van xxv rijd(er)s te/ v(er)boren biden gheenen die h(ier) tegen dade en(de) niet geste(n)tich en hielt/ dat d(aer) af uutgesproken sal worden terdel onsen gened(ighen) hee(re) den/ h(er)toghe terdel d(er) kerken van rillaer en(de) terdel d(er) kerken van/ pelle(n)berch cor(am) roelof berg(hen) aug(usti) xi videl(ice)t die m(ar)t(is)

It(em) de voirs(creven) weyn is come(n) met pet(ere)n vand(er) most en(de) henr(icke) vand(er) heyden/ zijne(n) segge(re)n voirs(creven) voir scep(enen) va(n) loeven(e) hen p(rese)nteren(de) om te voldoene/ allet des tvoirs(creven) comp(ro)mis inheeft soe v(er)re in hen is om te scuwen tvoirs(creven)/ banduyn cor(am) tybe willemair augusti xxv

It(em) beide de voirs(creven) p(ar)tie(n) dat expirere(n) soude op in dijssend(age) naestcomen(de) hebbe(n) tselve (com)p(ro)mis v(er)leecht/ tot van dien dage ov(er) xv dage(n) om alsda(n) te diene(n) na recht la(n)grode tybe sept(embris) xix

It(em) weyn heeft he(m) met zijne(n) segge(re)n en(de) ov(er)ma(n) gep(rese)nteert in ald(er) vuege(n) als/ vo(r)e om te scuwe(n) de(n) banduyn cora(m) berg(hen) willem(air) no(vem)[b(ris)] iii lxxviii