It(em) jan vander grecht zone wijlen jans ende willem vander varent/ gheheeten ruelens in p(rese)nc(ia) der scepen(en) van loven(e) ghestaen hebben genome(n)/ ende bekint dat sij ghenome(n) hebben van h(ere)n pete(re)n de beyere canonc der/ kercken van sinte pet(er)s te loven(e) een ghedeelte vander thiende(n) van troembeke/ ghelijkerwijs de voirs(creven) jan vander gracht de vader willem de becke(re) en(de) goort/ van kesselle tselve ghedeelte vanden voirs(creven) h(er) pete(re)n en(de) willem(me) p(ate)rn(oste)r gehoude(n)/ hebben Alse vander gheheelder thiende(n) van troembeke die de voirs(creven) h(er) pet(er)/ vander cap(it)len der voirs(creven) kercken van sinte pet(er)s in pechtinghe(n) ghenomen/ heeft Te houden ende te hebben van sinte jansmisse baptiste(n) lestleden eene(n)/ t(er)mijn van sesse jairen langk due(re)nde deen nae dand(er) zond(er) middel volghen(de)/ Elcx jairs dae(re)n bynne(n) o(m)me ende voe(r) viertich mudde(n) rogx en(de) xl mudden/ g(er)sten elcx grains goets ende payabels met wa(n)ne en(de) vede(re)n wel bereydt/ d(er) mate(n) van loven(e) alsulcx als jairlix vander selv(er) thiende(n) come(n) sal alle jaire/ tsinte andriesmisse ap(oste)ls vallen(de) ende altijt ombeg(re)pen te kersmisse d(air) nae te betalen(e)/ den he(re)n vand(en) voirs(creven) cap(it)len Te weten(e) elken van hen sijn porcie en(de) ghedeelte/ ghelijck hem dat w(er)t selve(r) thienden bewijst sal wordde(n) ghestrecken sal ende/ te loven(e) tot elcx huyse van hen te leveren(e) alle jaire den voirs(creven) t(er)mijn due(re)nde/ quol(ibe)t ass(ecutu)[m] Welken pacht van xl mudde(n) rogx en(de) xl mudde(n) t(er)we(n) vors(creven)/ de voirg(enoemde) thiendene(re)n ghelooft hebben onghesund(er)t ende onv(er)scheyde(n) en(de) elc voe(r)/ al den voirs(creven) h(ere)n pete(re)n dat sij elken vanden voirs(creven) h(ere)n vander cap(it)len sijn porcie/ en(de) ghedeelte ghelijck voirs(creven) steet v(er)nueghe(n) betalen ende leve(re)n sullen den/ voirs(creven) t(er)mijn due(re)nde quol(ibe)t ass(ecutu)[m] Met vurw(er)den oft de voirs(creven) thiendeneers
//
bynne(n) den voirs(creven) t(er)mijne inde voirs(creven) thiende e(n)nighe schade hadde(n)/ oft leden van eenighe(n) tempeeste oft ghemeyne(n) orloghe dat de vors(creven)/ h(er) peet(er) hen dair af rastoir doen sal nae avenant vanden voirs(creven) hue(re)n/ ghedeelte ghelijck de voirs(creven) he(re)n vander cap(it)len den voirs(creven) he(re)n pete(re)n/ vander gheheelder thienden doen sullen cor(am) roelants tybe sept(embris) ix