It(em) jan van borre gheheete(n) beyart beeldesnyde(r) zone wijlen peet(er)s heeft/ aenghenome(n) jeghen de kerckmeest(ere)n der kercken van sinte adilien tot groot adorp/ te maken en(de) te volleveren een outaer taeffle alsoe hij die in hande(n) en(de) ov(er)langk/ begonne(n) heeft en(de) v(er)dingt tusschen dit en(de) ons(er) liev(er) vrouwe(n) daghe assu(m)ptio naestc(omende)/ en(de) alsdan hebben de kerckmeest(er)s te weten(e) h(er) jan du moulin prieste(r) en(de) jan philippot/[bevolen] hem te gheve(n) en(de) te betalen vijf rinssche gul(den) te xx st(uvers) et iii pl(a)c(cen) de(n) st(uver) en(de) oft de/ voirs(creven) jan dat werck niet alsoe en conste gheleve(re)n soe heeft hij ov(er)ghegeve(n)/ datmen hem elcx daghs des hij in ghebreke sal sijn affslae eene(n) rinssche/ gul(den) cor(am) pynnoc burg(imagistr)[o] julii xiiii