It(em) t(er) meerd(er) vestich(eit) alle(n) den vors(creven) pe(n)sionarise(n) en(de) elke(n) va(n) hen besu(n)d(ert)/ soe v(er)re hem dat en(de) sine(n) vors(creven) rinte(n) aengaet te besorge(n) hebbe(n)/ de vors(creven) gebruede(re) spape(n) joes absoloens en(de) ja(n) cleynarts [als sculd(er)s der vors(creven) rinte(n)] gestelt/ en(de) gesedt inde(n) goidshuyse va(n) sinte m(er)tens dale gelege(n) te loven(e)/ inde grijmstrate eene(n) gulden(en) hoet met x leden d(aer) inne staende/ nege(n)tich perlen twintich baleysen twintich saffie(re)n thiene/ dyama(n)ten ond(er) tafelen en(de) pointe(n) wegen(de) mette(n) hoede en(de) bloeme(n)/ d(aer) op staen(de) viere en(de) een halve m(er)ct vijfthien yngels(chen) tot/ des(er) meyni(n)ge(n) soe wair de selve pe(n)sionarise(n) oft e(n)nich va(n) hen [soe v(er)re hem dat aengaet] oft/ and(er) recht va(n) hue(re)n wege(n) hebben(de) jairlix va(n) hue(re)n vors(creven) lijfre(n)te(n) va(n)den/ selve(n) gebr(uedere) spape(n) joese abs(oloens) en(de) ja(n)ne cleynarts niet v(er)nueght/ en worde(n) oft [dair in] gebrec hadde(n) ind(en) assig(na)cie(n) d(er) selv(er) rinte(n) dat sij die/ gebreke in die(n) gevalle aent vors(creven) juweel met alle coste en(de) co(m)me(r)/ sulle(n) moge(n) v(er)halen en(de) v(er)reike(n) het sij bij v(er)cope oft and(er)ssins bijden/ ghene(n) die hen des v(er)stae(n) en(de) and(er)s niet d(aer) inne dat sij sculd(ere)n vors(creven)/ o(m)me dat also te gescieden huer oppe(n)bair (con)sent gegeve(n) en(de)/ gedrage(n) hebben op welke voirw(er)den h(er) jacob joh(ann)is subp(ri)or h(er) jan/ ympens meest(er) vand(er) arken [p(ro)curator] h(er) ja(n) de magri(n)cia inde stat vanden/ p(ri)oer en(de) h(er) ghijsbrecht pigge meest(er) vand(er) arken des vors(creven)/ cloest(er)s bekint hebben de tvors(creven) juweel uute(n) hande(n) d(er) vors(creven) iiii/ sculd(er)s onts(et) te hebben en(de) dat voert gestelt ind(er) arken vors(creven)/[behoudelic oft de vors(creven) rinte(n) biden vors(creven) iiii sculd(er)s afgeq(ue)ten worden oft op pande bewesen nae inhouden d(er) vors(creven) brieve(n) oft dat de selve rinten bij doode vanden live(n) d(aer) die op staen v(er)smolten dat dan tvors(creven) juweel t(er) stont den selve(n) iiii sculd(er)s volge(n) sal sond(er) fraude en(de) argelist cor(am) eisd(em)]/