It(em) wout(er) die weer zone wijlen henricx jan clabots zone wijle(n)/ jans en(de) goessen jans zone wijlen henricx alle wonen(de) te glabbeke/ hebben ghelooft indivisim arnde van pede en(de) adriane van haenwijc/ sijne(n) p(ro)cur(eur) aut alt(er)i alse vanden schaerhoute vanden bossche(n) den/ eene(n) gheheeten den ersschebosch gelegen te glabbeke en(de) den ande(re)n/ ghelegen taetrode bijden bosch der kercken van aetrode den voirs(creven)/ arnde beyde toebehoren(de) xxxii(½) arnold(us) gul(den) te xxx pl(a)c(ken) tstuc deen/ helicht dair af tsinte jansmisse bapt(isten) naestc(omende) en(de) dand(er) helicht/ te bamisse dair nae volghen(de) te bet(alen) quol(ibe)t ass(ecutu)[m] met (con)dicien/ dat de voirs(creven) schulde(re)n den voirs(creven) bosch houwe(n) en(de) vellen sullen te(n)/ boschrechte alsoe verre alst houw mes gegaen heeft en(de) niet vorde(r)/ en(de) dat sij opten selve(n) bosch sulle(n) laten staen alle laeteycken wilde/ appelboeme(n) wayelinge en(de) plantsoene alsoe v(er)re die dair staen/ en(de) opde grechten ald(air) lieten staen alsoe vele leghouts als behoeve(n)/ sal om de grechten mede te v(er)maken(e) ende sullen alle tvoirs(creven) schaer/ hout vanden voirs(creven) bossche geruympt hebben t(er) mynst(er) schaden/ tusschen dit en(de) sinte jansmisse naestc(omende) en(de) tselve hout dat alsda(n)/ vanden selve(n) bossche niet geruymt en sal sijn dat sal alsdan den/ voirs(creven) jonch(e)r arnde toebehore(n) en(de) al sonder argelist cor(am) roelants/ hoelair novembr(is) ix