It(em) jan vander borch (chris)tiaen de nausnyde(re) p(ro)visoren en(de)/ mombo(r)en en(de) zust(er) gielijse bygotte meest(er)sse ende ghemeyn/ convent vanden groten gasthuyse te loven(e) bij consente wille/ en(de) bijsijne des eerw(er)dighen h(ere)n meest(er) claes hellis doctoirs/ i(n)der godheyt als visiteerd(er)s desselfs en(de) bij (con)sente burg(er)meest(er)s/ scepen(en) ende raid der stad stad van loven(e) hebben ghekent en(de)/ ghelijt van weghen desselfs gasthuys dat hen mids der/ bewijsenissen en(de) ov(er)ghev(ene) van twee peet(er)s erf(lic) voirs(creven) aen/ en(de) op de goede vors(creven) jans wijlen maserijne cled(er)mak(er)s en(de)/ sijnre huysvrouwen gheleghen inde p(ro)ststrate ut sup(ra)/ It(em) mids der bewijsenissen van alsulken achten(de)tseventich/ zilve(re)n pe(n)ninghen gheheeten stuv(er)s der mu(n)ten ons ghened(ichs)/ she(re)n sh(er)toghen van burg(oign)[en] en(de) van brabant (et)c(etera) goet en(de) gerechte/ voir datu(m) sbriefs ghemu(n)t erf(lijker) chijs en(de) renten dair inne reyne(r)/ gelijns zone wijlen henricx jan h(er)dans zone wijlen jans wille(m)/ vander straten gheheeten feye zone wijlen jans aert van oncle/ zone wijlen henricx jan loenijs zone willem loenijs willem/ van morchove(n) zone wijlen willems jan leemans gheheete(n) ty(m)m(er)ma(n)s/ henrick clee(re)n gheheeten de langhe zone wijlen jans alle van nu/ werode ongesund(er)t en(de) onv(er)scheyde(n) verbonde(n) en(de) verobligeert staen(de)/ met scepen(en) brieve(n) van loven(e) d(air) op gemaect int jair onss hee(re)n/ xiiii[c] lxiiii in octobri den xxix dach It(em) mids der bewijsenisse(n)/ en(de) ov(er)geven(e) van alsulken sesse gulden(en) pe(n)ninghe(n) gheheeten/ rijd(er)s der mu(n)ten onss gened(ichs) she(re)n sh(er)toghe(n) voirs(creven) erf(lijker) renten d(air)/ inne peet(er) vander hoeven claes boen de jonghe jan vander/ hoeven brueder des vors(creven) pet(er)s meest(er) jan en(de) reyne(r) van wijtvliet/ ghebruede(re)n ongesu(n)d(er)t verbonden staen gelijck de scepen(en) brieve(n) [va(n) lov(ene)] d(air)/ op gemaect int jair xiiii[c] lxii opten xxiiii[te(n)] dach der maent/ van septembri It(em) mids den ov(er)gheven(e) en(de) bewijsenisse van/ eene(n) rijd(er) der mu(n)ten ons ghened(ichs) she(re)n sh(er)toge(n) voirs(creven) te weten/ xxvi stuv(er)s der selv(er) mu(n)ten voir den voirs(creven) rijder gherekent/ erflijker renten dair inne jan m(er)celijs gheheeten vand(er) ca(m)me(n)/ de jonghe wonen(de) te duysborch barthelmeeus vand(er) bauwetten
//
wonen(de) te wave(re) claes scrybaen clerck opt regist(er) der stad/ van loven(e) en(de) pet(er) beyardt clerck onghesund(er)t v(er)bonden staen/ met scepen(en) brieve(n) van loven(e) d(air) op gemaect int jair onss/ he(re)n xiiii[c] lxii in octobri den xxvii dach It(em) mids der bewijse/ nissen en(de) ov(er)gheven(e) van drie ghelijke rijd(er)s der mu(n)ten ons/ ghened(ichs) she(re)n sh(er)toge(n) voirscr(even) voir datu(m) sbriefs gemu(n)t erf(lijker) chijs/ en(de) rente(n) dair inne roeloff van berthem en(de) peet(er) vander/ hoeven vleeschouwe(r) verobligeert staen met scepen(en) brieven/ van loven(e) d(air) op gemaect int jair onss hee(re)n xiiii[c] lxxv/ opden xxvii[te(n)] dach der maent van novembri It(em) voorts/ mids den ov(er)gheven(e) en(de) bewijsenisse(n) van drie rinssche guld(en)/ lx pl(a)c(ken) brabants voir elken der voirg(eruerde) rinssche gul(dene) gherekent/ erf(lijker) chijs en(de) renten inde welke jan van borre zone wijlen/ henricx roelant vander loe en(de) jacop bet(er)mans legwerke(r) insg(elijcx)/ verbonden staen met scepen(en) brieve(n) van loven(e) dair op gemaect/ vander dat(en) duysent vierhond(er)t tweentachtentich den xxvi[ten]/ dach der maent van april It(em) desghelijcx vander b mids/ der bewijsenissen van vijff ghelijker rinssche gul(den) erf(lic) die/ jan willems nu t(er) tijt onder meye(re) te loven(e) eemondt roelants/ jan vanden tymple dierick van langrode arnt vanden hove/ en(de) arnt scrijne scipman schuld(ich) sijn met scepen(en) brieven/ van loven(e) dair op ghemaect int jair onss hee(re)n xiiii[c] lxxv/ inde maent van octobri den xvii[te(n)] dach Ghedraghen(de) tsamen/ alle de vors(creven) rente(n) t(er) su(m)men van eene(n)twintich rijd(er)s te xxv stuv(ers)/ den rijd(er) gerekent ende thien stuv(er)s erflijck die [welke] de voirscr(even)/ p(ro)visoren ende mombo(r)en en(de) oic de meest(er)sse en(de) tconvent vanden/ gasthuyse voirs(creven) bij consente als vo(r)e uut handen h(ere)n peet(er)s de/ beye(re) canonck ind(er) kercken van sinte peet(er)s te loven(e) als execute(urs)/ vanden testamente des voirs(creven) wijlen h(ere)n willems edelhe(re) [gehave(n) ende] ontfangh(en)/ hebben in de stad van dien twintich rijd(er)s gelijker erfrenten die/ de selve wijlen h(er) willem edelhee(re) den arme(n) zieken inde(n) vorg(eruerden)/ gasthuysse in sijne(n) testamente gelaten heeft Voldaen/ en(de) volgh(esci)et? es allet ghene des den selve(n) gasthuyse tot behoef/ als vo(r)e bijden voirs(creven) wijlen h(er) willem(me) in sijne(n) testamente gemaect
//
en(de) ghelaten es Schilden(de) dair om de voirg(enoemde) p(ro)visoren bombo(r)en/ m(er)stersse en(de) tconvent bij consente als bove(n) van weghen des vors(creven)/ gasthuys alle de goede des voirs(creven) wijlen here(n) willems den/ executeurs desselfs h(ere)n willems [en(de) alle(n) ande(re)n des quitan(cie) behoevende] van allet tghene des den/ selve(n) gasthuyse vanden voirs(creven) wijlen h(ere)n willem(me) toebehoirt/ oft toebeho(r)en mochte uut machte oft uut tijtle vanden vors(creven)/ testamente oft uut e(n)nighe(n) ande(re)n tijtle volco met tgene/ des vors(creven) steet volcomelijken quijt Gheloven(de) de voirg(enoemden)/ p(ro)visoren mombo(r)en meest(er)sse en(de) convent bij consente voirg(eruert)/ van wege(n) als vo(r)e den voirs(creven) executeurs noch den erfgename(n)/ noch naecomelinghe(n) noch oic den goede(n) des vors(creven) h(ere)n willems/ noch egheen(en) van hen nocht hue(re)n goede(n) dair aff ne(m)m(er)eer/ aen te spreken(e) te moyen(e) noch te vexeren(e) bij hen selve(n) nocht/ bij yeman(de) and(er)s in e(n)nighe(n) rechte(n) gheestelijck noch weerlijc/ in e(n)nig(er) manie(re)n Opde vurw(er)den en(de) condicien h(ier) nae besc(re)ven/ dat de voirs(creven) p(ro)visoren en(de) mombo(r)en en(de) oic de meest(er)ssen en(de) tconve(n)t/ vors(creven) nu en(de) in tijden sijnde metten vorg(eruerden) renten den ziecken/ vanden gasthuyse voirs(creven) dist(ri)bue(re)n salle(n) te weten(e) thien stuv(er)s/ dair aff alle sondaghe tot ewighen daghen (con)tinueren(de) soe v(er)re/ die rinte(n) voirs(creven) hen gestrecken te betalen(e) ten tijden vander/ betalinghen ald(air) sieck ligghen(de) en(de) den selve(n) ziecken gegeve(n)/ te wordden en(de) sonder in ande(re)n saken te moghe(n) wordde(n) bekeert/ dan inder nootdorften der ziecken voirs(creven) alsoe nochtans dat/ om des(er) aelmosen(en) wille der arme(n) ande(re) aelmoessen(en) die hen van/ tgasthuys weghe(n) behoe(re)n niet gheminct nocht ghemind(er)t en sulle(n)/[wordden] Met (con)dicie(n) ghebuerd(er)t in toecomen(den) tijde(n) de voirs(creven) renten in/ al oft in deele ghequoten te wordde(n) datmen die pe(n)ni(n)ghe/ dair af comen(de) wed(er) om aenleggen sal in gelijken renten/ tot behoef als vo(r)e behalven oft de selve renten verminderde(n)/ versmolten oft te nyeute ghynghen in e(n)nighen deele mids/ crancker vestich(eit) armoede der p(er)soene(n) die die schuldich sijn
//
oft mids dien dat e(n)nighe pe(n)ninghe comen(de) vander qui/ tinghen ledich laghe(n) zonder weder om aengeleegt conne(n)/ te wordden oft met e(n)nighe(n) notablen letsselen oft ongevalle(n)/ dat dan nae de ghelande van dien die voirg(eruerden) aelmoessen/ zullen moghen ghemind(er)t wordde(n) tott(er) tijt toe dat alsulken/ v(er)lies en(de) mynd(er)nisse wed(er)o(m)me gherep(ar)eert sal wesen Ende/ al nae forme en(de) teneure vanden testamente des vors(creven) wijlen/ h(ere)n willems edelhee(re)n d(air) op gemaect int jair onss hee(re)n duysent/ vierhond(er)t eene(n)tsestich opten eene(n)twintichsten dach der maent/ van m(er)te inder vierder indictien des pausdoms onss alerhey/ lichte vad(er)s in goede h(ere)n pauli des tweeste paus van dien/ name in sijne(n) vierden jaire cor(am) buetsselle roelants/ hoeve(n) novembr(is) ii[a]