It(em) in meerder vestich(eit) den vors(creven) ghehuyssche(n) van des voirs(creven) es/ te doene soe sijn bij handen jaspar claes vorst(er)s te lov(ene) vanden vors(creven)/ ad(ri)ane ren(un)c(ians) ut sup(ra) den vors(creven) meest(er) bartholomeeuse tot behoef als/ voo(r) in handen ghesedt en(de) verobligeert voir tvoldoen der vorsc(creven) renten
//
de juweelen hiernae besc(re)ven Inden yersten sesse zilve(re) schale(n)/ weghen(de) vi m(er)ct vii oncen xv ynghelsche It(em) eene(n) wat(er)pot/ weghen(de) twee m(er)ct myn vijff ynghelsche It(em) een gulden(en) colie(r)/ met xv p(er)len en(de) xv cleyn robbijnk(e)ns weghen(de) twee oncen/ vijff ynghelsche Tot dyen eynde ghebuerdet den voirs(creven)/ ghehuysschen inde vors(creven) lijfrente oft ind(er) bewijsenissen der selv(er)/ e(n)nich ghebreck te hebben(e) dat sij oft yema(n)t and(er)s recht inde/ selve lijft(ochte) hebben(de) sijn ghebreck aen de vors(creven) juweele(n) met/ rechte sulle(n) moge(n) v(er)halen en(de) die v(er)coepen ende ten hoeghsten/ bringhe(n) Schiet dair yet ov(er) dat salme(n) wed(er)keeren ende/ oft dair yet ghebrecht dat salme(n) ae(n)de(n) vors(creven) adriane en(de) sijn/ ander goede moghe(n) v(er)halen ende oft de voirg(enoemde) ghehuysschen/ and(er)s dan met vercoepe der voirs(creven) juweelen vernueght wordden/ soe sal de vors(creven) meest(er) barthel(meeus) gehoude(n) sijn den vors(creven) ad(ri)ane [die] wed(er)/ te keeren(e) ghelijck hij die ontfanghen heeft cor(am) eisd(em)