It(em) goessen vander varent gheheeten van vyleer heeft uutgegeve(n)/ en(de) bekint uutghegeve(n) te hebben henricke moerman sone wijlen henr(ix) / de h(er)berghe gheheeten den wildeman met den toebehoirte(n) gheleghe(n)/ te ghempe te houden en(de) te hebben van kersmisse lestleden eenen/ t(er)mijn van sesse jairen langk vervolghen(de) elcx jairs dae(re)n bynnen/ o(m)me en(de) voe(r) vier hollan(sche) gulden(en) te xx stuv(er)s tstuck en(de) iii pl(a)c(ken) den/ stuv(er) en(de) eene(n) stoeter te weten xxx stuv(er)s en(de) eene(n) braspe(n)ninck/ tsinte jansmisse naestcomen(de) ende tsurplus te kersmisse dair/ nae volghen(de) en(de) alsoe voort alle jaire den voirs(creven) t(er)mijn due(re)nde/ quol(ibe)t ass(ecutu)[m] Ende de voirs(creven) henrick sal de voirs(creven) h(er)berghe houde(n)/ wel en(de) loflijck dae(re)n bynnen van wande en(de) van dake te/ sijne(n) coste gelijck een tochtene(r) schuld(ich) es te doene It(em) de selve/ henrick heeft noch genome(n) alle de lande tot der selv(er) h(er)b(er)ge/ behoren(de) te houden(e) en(de) te hebben vande(n) selve(n) kersmisse lestleden/ den selve(n) t(er)mijn van sesse jairen langk due(re)nde om en(de) voe(r)/ de helicht van allen den vruchten dair op jairlix wassen(de)/ dair aff de wynne de helicht des voirs(creven) goessens inne vue(re)n/ sal inde schue(re) ald(air) en(de) de selve goessen sal sijn helicht inne/ ghevuert sijnde moge(n) derssche(n) oft doen dersschen alst hem gelieft/ It(em) de voirs(creven) wynne sal de vors(creven) goede houde(n) wynne(n) werve(n)/ en(de) mesten wel en(de) loflijck ende die laten tsijne(n) afscheyden(e)/ alsoe hij die bevonde(n) heeft tsijne(n) ae(n)comen(e) Met vorw(eer)de/ oft de huysvrouwe des voirs(creven) goessens bynne(n) de(n) vors(creven) t(er)mij(n)e/ aflivich wordt soe sal sd alsdan in dien gevalle de vors(creven)/ pechtinge(n) van dan voirtaen te nyeute sijn zond(er) argelist/ H(ier) af sijn borghe(n) des voirs(creven) des voirs(creven) henr(ix) gielijs moerman/ en(de) jan trudens te duetsselle Et p(rim)[us] cor(am) tybe tants dec(embris)/ penultima