Want jouffr(ouwe) katlijnen van dyeven ingeseten poirt(er)sse der stad van loeven(e) weduwe/ symoens wijlen vander baren in zijnre tijt secret(aris) der stad van loeven(e) die jairl(icx) heeft/ en(de) houden(de) is met scep(enen) br(ieven) van loeven(e) vand(er) daet xiiii[c] xl januarii ult(ima) sesse pet(er)s/ lijft(ochten) ten live der voirs(creven) jouffr(ouwe) katlijnen alle ja(r)e sint andriesmisse ap(oste)ls/ vallen(de) en(de) ind(er) stad wissel van loeven(e) te leve(re)n aen en(de) op de goede ende/ pande hier nae bescreven opten dach van heden als op v(er)streken(en) dage van/ genechten hadde doen besc(ri)ven anthoenijs van redinghen janne vand(er) eyke(n)/ en(de) marien van ophem geheeten meesterjans onderseten des meyers van/ halen die so(m)mige der selv(er) panden houden en(de) hantsplichten sonder der selv(er)/ jouffr(ouwen) katlijnen te v(er)nuegen van hue(re)n rinten voirs(creven) En(de) v(er)socht aen den meye(re)/ van halen te leve(re)n de selve pande mitsgad(er)s den haefliken goeden/ die hij dair op oft inne bevynden soude den meest(er)s vanden gronde/ toebehoe(re)nde tot welcken dage noch tot opten dach van heden de voirs(creven)/ drie p(er)soenen niet gecomen en zijn noch ande(re) van hue(re)n weghen henr(icke)/ vasout den jonghen p(ro)cur(eur) der voirs(creven) jouffr(ouwen) katlijnen comp(ar)e(re)nde en(de)/ recht voirt versueken(de) Soe wijsden de he(re)n scep(enen) van loeven(e) t(er) manissen/ smeyers voe(r) een vo(n)nis yerst aengehoirt tybout steenweechs ons(en) gezworen(en)/ diene(re) die clairde bij zijne(n) eede dat de voirs(creven) meye(r) va(n) halen dexecucie van/ ons(en) brieven gedaen hadde en(de) p(ar)tien dach bescheiden datmen den voirs(creven)/ p(ro)cur(eur) inde(n) name als voe(r) houden soude inde macht vand(en) voirs(creven) scepen(en)/ br(ieven) en(de) leveringe(n) voirs(creven) alsoe v(er)re alst noch voe(r) scep(enen) come(n) is cor(am)/ o(mni)b[(us)] scab(inis) in scampno dempto schoenvorst augusti xx/ Dit zijn de goede en(de) pande der voirs(creven)/ lijft(ochten) daer van voe(r) mencie is gemaict/ Inden yersten thof te steenbeke metten huysen woeni(n)ge(n) hove(n) bog(ar)de(n) en(de) beempde(n)/ houden(de) tsame(n) omtr(ent) ii boende(re)n dwelc nu al bog(ar)t en(de) beempde zijn gelegen/ te wynghe tusschen den goede(n) reyners vand(en) broecke jans de pape en(de) naest den/ goeden katlijnen vand(er) moelen It(em) i(½) dach(mael) lants gelege(n) ald(air) tusschen den goede(n) svoirs(creven)/ reyners en(de) den goede(n) der fabriken inder kercken van wynghe gelijc jan wijlen/ van wynghe die in zijnre tijt te houde(n) plach It(em) thuys geheete(n) den ynghel mette(n)/ hove en(de) wy(n)nen(de) lande dair toebehoe(re)nde gelegen te gempe tusschen den/ goeden jans va? g smet en(de) neven de h(er)strate strecken(de) te diestweert It(em) een/ boend(er) beempts gelegen tsinte marien thielt t(er) plaetsen geheete(n) briecmansgat/ tusschen den goeden willems cloest(er)mans en(de) den goeden der kynde(re)n scep(er)s It(em)/ tderdel van eene(n) boend(er) beempts gelegen t(er) plaetse(n) geheete(n) dweermot/ tusschen den goeden der taflen tsheylichs gheests van thielt en(de) der zielmessen/ goet ald(air) It(em) x dach(mael) lants gelegen te wynghe op dbekervelt tusschen den/ goeden mathens colcx en(de) mathijs ramp(ar)ts