Item wij goirt vanden berghe ende aert vynck scepen(en) te/ loeven(e) do(e)nt cont ende te weten(e) dat jan vynck ende jan/ roelants natuerlic als kerckmeesters op dese tijt der kercken van/ sinte jacops op de byest te loeven(e)hebben gekynt ende gelijt/ voir hen ende hueren nacomelingen kerckmeest(er)s der selver/ kercken dat sij van jannen de greve wijngerdre ende lijsbetten/ vander smissen sijnen wive in ghereden pe(n)ninghen gehaven/ ende ontfanghen hebben achtien peeters den peeter te liiii pl(a)ck(en)/ tstuc eens tot orboire ende prouffijt der kercken voirs(creven) in onderstan(de)/ ende behulpe dat de voirs(creven) meesters ten tijde sijnde tot eeuwighen/ daghen jairlijcx opden goeden vrijdach ten gewoenlijcken tijden sullen/ besorghen ende gehouden sijn te doene preken met eenen notable/ priestere de passie ons liefs heren jhesu (christ)i sonder eenighe/ versuempte dair inne te doene oft te laten vallen in e(n)nigher/ manieren Ende in gevalle oft op ennich jair inde passie te preken(e)/ v(er)suempnisse viele des oft god wilt niet sijn en sall soe sullen/ die voirs(creven) kerckmeesters ten tijde sijnde als vore ghehouden sijn/ de voirs(creven) achtien stuvers op dat jair te distribueren(e) in drie/ deelen te weten(e) deen derdeel dair aff der bruederscap van/ sint jacops terdeel der bruederscap van sinte hubrechts inder/ voirs(creven) kercken ende terde derdeel den meesters van sinte jacops
//
ende sinte hubrechts voirs(creven) o(m)me hueren wille dair mede/ te doene Gelove(n)de de voirs(creven) kerckmeesters voir hen ende/ hueren nacomelinghen als vore allet tghene des voirs(creven) steet/ tachtervolgen(e) ende te voldoene als verreyckte scout Voirt/ hebben gewilt ende begheert de voirs(creven) gehuysschen dat desen/ brieff geleecht sall wordden inden com dair dande(re) brieven/ van sinte jacops brieve inne ligghen om eene(n)yegelijcken alst/ behoeft dair met te behelpen(e) julii xviii