Het zijn comen in rechte bijden raide van deser stadt/ rombout baecx en(de) jan van zallaken nu t(er) tijt gezwoirene/ vand(en) metsers en(de) steenhouders ambachte bynnen loeven(en)/ van wegen desselfs ambachts t(er) eenre tegen ja(n)ne borremans/ inden name van hem selve(n) en(de) van wegen jans borremans/ des jongen zijns zoons verw(er)de(r) t(er) ande(r) zijden Ald(air) de voirs(creven)/ gezwoiren(en) den he(re)n van deser stad raide te kynne(n) gegeve(n) hebben/ hoe de selve jan borremans de jonghe tande(re)n tijden alh(ier) bynne(n)/ deser stad van loeven(en) zeke(r) werck gelev(er)t en(de) v(er)cocht hadde den/ voirs(creven) ambachte aengaen(de) sonder nochtans int voirs(creven) ambacht te/ willen comen oft desselfs ambachts moet te willen hebben dwelck/ grootelijck gedraicht in contrarien en(de) v(er)myndernissen en(de) oic in/ grooten scaden en(de) acht(er)deele desselfs ambachts p(ri)vilegien Dair/ o(m)me de selve ambachthouders sustineerden nae dien dat/ de voirs(creven) jan borremans de vader den selve(n) janne zijnen/ zone die alh(ier) om der voirs(creven) zaken wille bijden voirs(creven) ambacht/ houders inder vroenten gestelt was uut(er) selv(er) vroenten en(de)/ hachten verborcht hadde en(de) alsoe gelooft den selven gezwoiren(en)/ tot behoef desselfs ambachts te voldoene alle tghene dat/ de voirs(creven) gezwoiren(en) op den voirs(creven) janne borremans den vad(er)/ van des voirs(creven) steet souden connen gewynnen dwelck de/ selve jan borremans genoech bekynde Op dwelck de selve/ jan borremans hem v(er)antwordden(de) seyde dat al eest zoe dat/ dat de voirs(creven) janne zij borremans zijn zone alh(ier) in des(er)/ stad zeke(r) werck v(er)cocht en(de) gelev(er)t heeft den voirg(eruerde) ambachte/ aengaende en(de) oick al eest zoe dat hij den voirg(enoemde) janne zijne(n)/ zone uut(er) voirs(creven) vroenten en(de) hachten v(er)borcht heeft ende/ gewijsde gelooft te voldoene dat hij hoopte te gestaene met/ zijne(n) voirs(creven) zone te dage en(de) te rechte te bringhene en(de) dat/ de selve zijn zone en(de) hij hoopten van des voirs(creven) steet/ ongelast te zijn en(de) te blijven Want alsoe de selve jan/ borremans de vader p(re)tendeerden de selve jan zijn zone/ de voirg(eruerde) leveringhe van wercke wel soude moeghen/ doen sond(er) nochtans dair o(m)me int voirs(creven) ambacht te moete(n)/ comen oft des ambachts moet te hebben want eenyegelijck/ te bruesselle en(de) te mechlen van gelijcken doen mach met/ meer woirden niet vele inder materien dienen(de) Dair op de/ selve gezwoiren(en) replice(re)nde seyden dat al eest zoe dat de
//
ambachten vanden steden bruesselle en(de) mechlen laete(n) gesciede(n)/ dat eenyegelijck alle werck van buyten comen(de) inde selve/ steden leve(re)n en(de) v(er)coopen moegen sond(er) in die ambachte(n)/ te comen oft der ambachten te hebben dat dat den/ voirs(creven) ambachte vand(en) metsers en(de) steenhoud(er)s in desen niet/ v(er)achte(re)n en sal moegen De voirs(creven) jan borremans mits den/ voirs(creven) borchtochten en sal moete(n) van des voirs(creven) steet den/ selve(n) ambachte voldoen nae inhouden desselfs ambachts/ rechten en(de) ouden p(ri)vilegien desselfs am inhouden(de) dat/ nyemant wie hij zij gheen werck van buyten comen(de)/ int voirs(creven) ambacht zijnde alh(ier) in des(er) stad en sal moege(n) v(er)coope(n)/ oft leve(re)n hij en sal moete(n) int voirs(creven) ambacht comen/ oft des ambachts moet hebben en(de) alsoe d(air) af voldoen Soe/ is op heden bijden voirs(creven) raide get(er)mineert nae aensprake/ v(er)antwordden replijcke en(de) dbekynnen svoirs(creven) jans borremans/ dat de selve jan borremans den voirg(eruerde) ambachte sculdich/ sal zijn te voldoene tusschen dit en(de) loeven(en) kermisse naist/ comende oft den selve(n) zijne(n) zijne(n) dae(re)nbynne(n) zone dae(re)nbynne(n)/ int voirs(creven) ambacht te doen comen cor(am) hove burg(imagistr)[o] hoeven/ buetsselle scab(inis) h(er)meys udekem et aliis de (con)silio junii x