Nae dien dat op heden bijden raide van deser stad gecomp(ar)eert/ zijn jan vand(en) hoevelde en(de) laureys crabbe als executeurs vand(en) testa(men)[te]/ en(de) uut(er)sten wille jans wijlen de roeve(re) welcke jan wijlen de roeve(re)/ testamentmake(r) onder div(er)se legaten gemaict heeft inden selve(n)/ zijne(n) testa(men)[te] henneken coereken na(tuur)lijck zone willems wijlen coereken/ onder zijn jae(re)n zijnde en(de) sonder momboirs en(de) regeerd(er)s eene(n)/ rijns gul(den) lijftochten ten live desselfs jans coerekens Van welcke(n) legate/ de voirs(creven) executeurs den selve(n) he(n)neken gh(er)ne voldoen [souden] en(de) bereet/ zijn te voldoene bij alsoe de voirs(creven) he(n)neken hadde enige mo(m)boirs/ en(de) regeerd(er)s die den voirs(creven) executeurs qui behoirlijcke [quijtan(cie)] gaven/ vand(en) voirs(creven) legate op dat zij vand(en) fiscael van luydick niet/ gevexeert en souden wordden Dair o(m)me de voirs(creven) executeurs/ v(er)socht en(de) gebeden hebben den voirs(creven) he(re)n vand(en) raide h(ier) af te hebben(e)/ p(ro)visie en(de) dat den voirs(creven) he(n)neken enige momboirs gestelt wordden/ o(m)me den voirs(creven) executeurs vand(en) voirs(creven) legate behoirl(ijcke) quijtan(cie) te doene/ En(de) want tselve v(er)sueck den voirs(creven) raide redelijck docht zijnde soe zijn/ gestelt en(de) geordineert o(m)me te wesen momboirs en(de) regeerd(er)s desselfs/ he(n)nekens uut(er) stad raide jan van buetsselle nu t(er) tijt scep(ene) te loeven(en)/ en(de) henr(ick) ooghe zunderlinghe o(m)me van des voirs(creven) is quijtan(cie) te/ geven(e) op dat de voirs(creven) executeurs van des voirs(creven) is niet gevexeert/ en souden wordden Act(um) in pleno consilio cor(am) ambob[(us)] burg(imagistris) duffle/ lyefkenrode keersmake(re) vynck scab(inis) udekem borch h(er)mans tybe (et) plu(r)ib[(us)]/ aliis novembr(is) xxvi