Nae dien dat op heden in rechte comen zijn inde/ banck voe(r) meye(re) en(de) scepen(en) van loeven(e) int jairgedinge/ gerardus duys tegen he(re)n janne vanden steenwynkele/ deken inder kercken van sint jacops op de biest/ te loeven(e) seggen(de) en(de) te kynne(n) geven(de) de voirs(creven)/ gerardus dat hem de voir(screven) ger h(er) jan [op heden] dach/ van rechte hadde doen besceiden inde banck voe(r)/ zeke(re) actien (et)c(etera) dair o(m)me de selve gerardus/ hem dede te rechte p(rese)nte(re)n tegen den voirg(enoemden)/ he(re)n janne hopen(de) alsoe v(er)re de voir(screven) h(er) jan/ hem gheen aensprake en dede dat hij dan/ vanden voir(screven) dach doene ongelast soude zijn/ en(de) blijven En(de) mits dien heeft de voir(screven)/ h(er) jan vanden steenwynckele met zijne(n) voirsp(ra)ke/ doen seggen hoe de voir(screven) gerardus onlancx/ leden uut(er) vroenten willems le(m)mens geheeten/ de creme(re) vorst(er)s in des(er) stad van loeven(e) v(er)borcht/ en(de) ontslaghen hadde reyne(r) kem(er)lincx woenen(de) te/ berthem vand(en) sculden en(de) comenscapen dair voe(r)/ de voir(screven) reyne(r) [ten versueke desselfs he(re)n jans] inder vroenten desselfs willems/ gehacht was Te weten(e) vand(er) hueringe(n) van/ eene(n) beempde gelegen inde gemeyn beempde/ van hev(er)le van drie ja(r)en gevallen elcx jairs vijf/ rijns gul(den) op dwelck de selve reyne(r) v(er)dient hadde/ drie rijns gul(den) van vrachte en(de) noch eene(n) rijns/ gul(den) va(n)d(er) [hueringe(n) van] eenre schue(re)n en(de) oick voe(r) tgebreck/ vand(er) comenscap en(de) leveringen van zeke(re)n scape(n)/ en(de) la(m)me(re)n die de selve h(er) jan gecocht hadde/ tegen den voir(screven) reyne(re) voe(r) kersmisse lestleden/ elck par vand(en) scapen voe(r) xv stuv(er)s en(de) elck par/ vand(en) la(m)me(re)n voe(r) xi stuv(er)s Te weten(e) desselfs reyners/ deel van scapen en(de) la(m)me(re)n die hem te deele/ vallen souden tegen den voir(screven) gerard(en) duys inden/ mey lestleden en(de) oick tvie(re)ndeel van eene(n) cudde
//
scapen die de selve reyne(r) hielt van he(re)n anthoenijs/ capellaen ind(er) kercken van s(in)te pet(er)s te loeven(e) woenen(de)/ inde h(er)berghe van corby Op welcke twee comenscape(n)/ de voirs(creven) h(er) jan te kynne(n) gaf dat hij den voirg(enoemden)/ reyne(re)n gegeve(n) en(de) betailt hadde sesse rijns gul(den)/ en(de) xv stuv(er)s En(de) [dat] dit aldus gesciet was p(rese)nteerde/ de voirs(creven) h(er) jan te thoene(n) Sustine(re)nde dair o(m)me de/ voirg(enoemde) h(er) jan dat de voirs(creven) gerardus duys mits/ der voirs(creven) borchtochten sculdich soude zijn de voirs(creven)/ hueringhe en(de) come(n)scape(n) te voldoene en(de) te volleve(re)n/ gem(er)ct dat de voirs(creven) gerardus int voirs(creven) v(er)borghen/ v(er)thegen en(de) ge(re)nu(n)cieert heeft de p(ri)vilegie(n) vand(er)/ eerw(er)dig(er) univ(er)siteit des(er) stad van loeven(e) en(de) alle ande(re)/ vryheiden desen aengaen(de) dwelck de voirs(creven) h(er) jan oick/ p(rese)nteerde te betalen(e) [thoenen] Mair aengaen(de) der leveringe(n) vanden/ voirs(creven) come(n)scapen laet de voirs(creven) h(er) jan alnoch beruste(n) mits/ zeke(re)n bevelen gedaen aen den selve(n) he(re)n ja(n)ne va(n) wegen/ des eerw(er)dichs he(re)n recteurs ind(er) univ(er)siteit va(n) loeven(e) Op/ dwelck de voirs(creven) gerardus hem v(er)antwordden(de) dede segge(n)/ dat hij vander voirs(creven) aenspraken sculdich soude zijn/ ongelast te blijven om deswille dat de voirs(creven) h(er) jan/ alsoe de voirs(creven) gerardus seyde en(de) te kynne(n) gaf dat/ de voirs(creven) h(er) jan den voirs(creven) reyne(re)n niet beclaicht en/ hadde noch gheene(n) dach van rechte besceiden Dair/ tegen de selve h(er) jan replice(re)nde seyde dat dat hij he(m)/ gedroech tott(er) v(er)ificacie(n) vand(en) voirs(creven) willem(me) le(m)mens/ vorste(re) En(de) dien navolgen(de) heeft de voirs(creven) vorste(r) geclairt/ bij zijne(n) eede dat hij ten v(er)sueke des voirs(creven) he(re)n jans/ vand(en) steenwynckele den voirg(enoemden) reyne(re)n en(de) gerard(en) [duys] beclaicht/ hadde en(de) den voirs(creven) borghe op heden dach van rechte besceide(n)/ mits den welcken de voirs(creven) h(er) jan sustineerde als vo(r)e gem(er)ct/ dat hij t(er) stont p(rese)nteerde te thoene(n) al des voirs(creven) steet den/ voirs(creven) gerard(en) [borge] altijt blijven(de) bij zijne(n) v(er)antwordden voirs(creven) En(de) nae/ al des voirs(creven) steet soe is gewesen met vo(n)nisse der scep(enen)/ van loeven(e) t(er) manissen smeyers dat de voirs(creven) gerardus op des/ voirs(creven) aensprake [is] sculdich is [sal zijn] nairde(r) tantwordden cor(am) abs(oloens) milite/ duffle grave(n) baets tybe aelst julii p(ri)ma