Cont zij allen lieden dat jacop van moerssele in p(rese)ntia/ heeft uutgegeven en(de) bekynt uutgegeven te hebben(e) reyne(r)/ van deurne woenen(de) te voirde zone jans van deurne/ eenen beempt gelijck hij gelegen is inde p(ro)chie van cortbeke/ ov(er)loo aen de plaetse geheten de biest Te houden te/ hebben en(de) te gebruyken van sinte m(er)tensmisse naestcomen(de)/ eenen t(er)mijn van tweelf jae(re)n lanck due(re)nde deen nae/ dand(er) sonder middel volgen(de) elcx jairs dae(re)n bynnen/ voer en de omme vier rijns guld(en) te xx stuv(er)s tstuck, alle jae(re)/ tsinte m(er)tensmisse inden wynt(er) te betalene, den voirs(creven)/ jacop van moerselle en(de) jouffr(ouwe) lucien vand(er) hofstadt/ zijnd(er) huijsvr(ouwe) jairl(ijx) den selven t(er)mijn lanck due(re)nde/ quol(ibe)t ass(ecutu)m Op sulcke cond(iti)[en] dat de voirs(creven) reyne(r)/ jairl(ijx) den selven t(er)mijn due(re)nde alle grachten wel en(de)/ loflijck veghen en(de) ruyme(n) sal ende tot [dien] alle de weghen/ liggen(de) aen de voirs(creven) goeden insgelijcx alle jae(re) wel/ ende loflijck ter repare(re)n al sonder cost des voirs(creven) jacops/ en(de) zijne huijsvr(ouwe) Item is vorw(er)de dat de voirs(creven) reyne(r)/ hebben sal alle tdrunckhout aen de voirs(creven) goede wassen(de)/ behoudel(ijck) dat de voirs(creven) reynier tselve trunckhout/ sal moeghen moeten truncken ten gewoenlijcken tijde/ en alle dese vorwerden in for(ma) coram blanckaert cav(er)soen/ junii xxvi