Nae dien de gesworen(en) vande(n) metsers a(m)bacht/ come(n) sijn bijden raide vander stad opdoende/ en(de) te ky(n)nen geven(de) hoe dat sij om te scouwen(e)/ de groete costen en(de) scaden die tselve huer a(m)bacht/ hadde midts der hachten daer de rintmeest(er)s/ van deser stad huer inne hadden voer seker/ sculden die sij van desselfs a(m)bachts weghen/ der stad sculdich wa(r)en in meyni(n)gen wa(r)en/ te v(er)coepen(e) op tselve a(m)bachte seker erfelike oft/ lijftocht rente daer mede v(er)vallen(de) de voirs(creven)/ pe(n)ni(n)gen die sij alsoe der stad tacht(er) wa(r)en/ Ende deselve pe(n)ni(n)gen begee(re)n soude te/ moghen v(er)halen aen die vande(n) selve(n) a(m)bachte/ alle weken heffende va(n) eene(n)yegeliken int/ ambacht sijnde eene(n) halve(n) stuv(er) acht(er)volgen(de)/ der t(er)minacie(n) en(de) rekeni(n)gen den selve(n) a(m)bacht/ aengevueght opten xxiiii dach octrobr(is)/ a(nn)[o] xiiii[c] vie(re)nnegentich al waert soe dat/ sij de tselve twee jaer hadden laten lijden/ sonder te heffen(e) Ende soe werdde/ den selven gesworen(en) geco(n)senteert en(de)/ gewillecoert op te moghen v(er)coepen/ in erfelijck oft lijfrenten soe vele als/ de so(m)me gedroegh die sij der stad/ tacht(er) wa(r)en dwelck was soe [sij] seyden/ eene(n)vijftich peet(er)s Ende dat sij/ niet voerder v(er)coepen en soude maer/ deselve pe(n)ni(n)g(en) mette(n) lasten die
//
tselve a(m)bacht sculdich es v(er)vallen nae/ volgende der t(er)minacie(n) hen xxxiiii oct(obris)/ a(nn)[o] xiiii[c] vierennegentich v(er)leent en(de)/ gegeven act(um) xxi april(is) a(nn)[o] xv[c]/ en(de) een nae paessche(n) in pleno (con)silio